មណ្ឌលគិរី: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា កាលពីរថ្ងៃព្រហស្បតិ៍ ១៣កើត ខែទុតិយាសាឍ ឆ្នាំ ឆ្លូវ ត្រីស័ក.ព.ស២៥៦៥ ត្រូវនិងថ្ងៃទី២២ ខែ កក្កដា ឆ្នាំ២០២១នៅត្រង់ចំណុចប៊េនឡាន ស្ថិតនៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។
មានករណីចោរកម្មលួចរថយន្ត០១ គ្រឿងម៉ាកសាំងយ៉ុង ពាក់ស្លាកលេខភ្នំពេញ2N8554 ពណ៌សំបកឪឡឹកដែលជាកម្មសិទ្ធិរបស់ជនរងគ្រោះឈ្មោះអឿន សារ៉ន ភេទប្រុស អាយុ២៨ ឆ្នាំ ប្រព្រឹត្តដោយជនសង្ស័យម្នាក់ ឈ្មោះ វុទ្ធី សៀង ភេទប្រុស អាយុ ២១ឆ្នាំ ជនជាតិខ្មែរមានទីលំនៅបច្ចុប្បន្នភូមិព្រែកពោធិ៍ ឃុំគគីស្រុកកៀនស្វាយ ខេត្តកណ្តាល។
ជនសង្ស័យខាងលើត្រូវបានកម្លាំងសមត្ថកិច្ចស្នងការដ្ឋាននគរបាលខេត្តមណ្ឌលគិរី បានសហការជាមួយកម្លាំងអធិការដ្ឋាននគរបាលស្រុកមេម៉ត់ ខេត្តត្បូងឃ្មុំ ធ្វើការចាប់ឃាត់ខ្លួនជនសង្ស័យបាន នៅត្រង់ចំណុចភូមិស្លា ឃុំទន្លូង ស្រុកមេម៉ត់ ខេត្តត្បូងឃ្មុំ និងធ្វើកាដកហូតបាននូវរថយន្ត០១គ្រឿងដែលជាកម្មសិទ្ឋជនរងគ្រោះខាងលើ។
បច្ចុប្បន្នជនសង្ស័យ ត្រូវបានកម្លាំងសមត្ថកិច្ចការិយាល័យព្រហ្មទណ្ឌកម្រិតស្រាល នាំខ្លួនយកមកកាន់ស្នងការដ្ឋាននគរបាលខេត្តមណ្ឌលគិរី ដើម្បីកសាងសំណុំរឿងបញ្ជូនខ្លួនទៅសាលាដំបូងខេត្តមណ្ឌលគិរី ចាត់កាទៅតាមនីតិវិធីច្បាប់៕
មតិយោបល់