បន្ទាយមានជ័យ: ការិយាល័យផ្សព្វផ្សាយតាមបណ្តាញសង្គម បានឲ្យដឹងថា បុរសម្នាក់ប៉ុនប៉ងសម្លាប់ខ្លួនជាច្រើនដងមិនបានសម្រេច ចុងក្រោយលេបថ្នាំកណ្តុរសម្លាប់ខ្លួនបានសម្រេចដូចបំណង។ ករណីខាងលើបានកើតឡើងនៅវេលាម៉ោង៦និង០០នាទីថ្ងៃទី២៧ ខែកក្កដា ឆ្នាំ២០២១ នៅភូមិព្រៃឬស្សី សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
បើតាមសមត្ថកិច្ចមូលដ្ឋាន បានឲ្យដឹងថា៖ ជនរងគ្រោះឈ្មោះ ហុង ដា ភេទប្រុស អាយុ ១៩ឆ្នាំ រស់នៅភូមិ-ឃុំកើតហេតុខាងលើ។ សមត្ថកិច្ចបញ្ជាក់ថា ៖ តាមឲ្យដឹងពីឪពុកជនរងគ្រោះ បានប្រាប់ឲ្យថា កូនប្រុសរបស់គាត់កន្លងទៅធ្លាប់ប៉ុនប៉ងសម្លាប់ខ្លួនជាច្រើនលើករួចមកហើយ តែត្រូវបងប្អូនជួយទាន់ពេល។ ដោយវេលាម៉ោង១៧និង០០នាទីល្ងាចថ្ងៃទី២៦ ខែកក្កដា ឆ្នាំ២០២១ គាត់បានលឺសំឡេងកូនក្អួតជាច្រើនដង តែមិនបានចាប់អារម្មណ៍ថាកូនលេបថ្នាំកណ្តុរទេ ពេលក្អួតរួចកូនប្រុសគាត់បានឡើងទៅដេកនៅលើផ្ទះដេកម្នាក់ឯង។ លុះព្រឹកឡើងថ្ងៃទី២៧ ខែកក្កដា ឆ្នាំ២០២១ ម៉ោង៧និង០០នាទី គាត់ជាឪពុកបានទៅទិញអេដចាយ ស្រាប់តែប្អូនស្រីរបស់គាត់ទូរស័ព្ទប្រាប់ថា កូនប្រុសបានស្លាប់ដោយលេបថ្នាំកណ្តុរ។
តាមការស្រាវជ្រាវពិនិត្យ ពីក្រុមគ្រូពេទ្យ សមត្ថកិច្ច លោកមេភូមិ ព្រមទាំងក្រុមគ្រួសារ សពពិតជាស្លាប់ដោយសារលេបថ្នាំកណ្តុលខ្លួនឯងពិតប្រាកដមែន និងប្រគល់សពឲ្យក្រុមគ្រួសារធ្វើបុណ្យតាមប្រពៃណី៕
មតិយោបល់