Post News Media ព័ត៌មានជាតិ អ្នកចូលចិត្តណ...

អ្នកចូលចិត្តណែម! រកឃើញណែមសាច់ត្រីមានសាធាតុគីមីហាមឃាត់ ដាក់លក់តាមផ្លូវជាតិលេខ៥

បន្ទាយមានជ័យ: ណែមសាច់ត្រីប្រភេទវែងដែលផលិតនៅខេត្តបាត់ដំបងជាច្រើន ខ្សែរត្រូវបានសមត្តកិច្ចចម្រុះដឹកនាំដោយសាខាកាំកុងត្រូលខេត្តបន្ទាយមានជ័យដកហូតនារសៀលថ្ងៃទី២៣សីហាឆ្នាំ២០១៦នេះ។

សមត្ថកិច្ចចំរុះដែលចុះត្រួតពិនិត្យមានលោកដុំ វណ្ឌី អនុប្រធានមន្ទីរពាណិជ្ជកម្មខេត្ត នគរបាលសេដ្ឋកិច្ចខេត្តបន្ទាយមានជ័យនគរបាលសេដ្ឋិកច្ចក្រសួង។

លោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យនិយាយប្រាប់ថា ដោយអនុវត្តតាមតួនាទីភារកិច្ច ក្នុងក្របខណ្ឌ នៃកិច្ចការការពារ អ្នកប្រើប្រាស់ ទាំងលើទិដ្ឋភាព សុខភាព-សុវត្ថិភាព និងផលប្រយោជន៍របស់ប្រជាពលរដ្ឋ និងធានាឲ្យការធ្វើពាណិជ្ជកម្ម ដំណើរការប្រកបដោយសមធម៌ កសាងទំនុកចិត្តពីអ្នកប្រើប្រាស់ហើយពិសេសដោយទទួលបានការណែនាំ និងបទបញ្ជាពីលោក ម៉ក់ ពេជ្ជរិទ្ធ អគ្គនាយកនៃអគ្គនាយកដ្ឋានកាំកុងត្រូលមន្ត្រីរបស់សាខាកាំកុងត្រូលខេត្តបន្ទាយមានជ័យតែងតែចុះជាប់ជាប្រចាំក្នុងពិនិត្យនូវរាល់ការនាំចូលតាមច្រកនៃក្រុងប៉ោយប៉ែត និងការតាំងលក់នៅលើទីផ្សារតាមស្រុកក្រុងទាំង៩ដើម្បីអប់រំផ្សព្វផ្សាយណែនាំដល់អ្នកលក់ និងអ្នកប្រើប្រាស់មិនតែប៉ុណ្ណោះតែងរឹបអូសដកហូតរាល់ទំនិញទាំងឡាយណាដែលហួសកាលបរិច្ឆេទប្រើប្រាស់ និងទំនិញហាមឃាត់យកមកកំទេចចោលដោយជៀសវាងបងប្អូនប្រជាពលរដ្ឋទិញយកទៅទទួលទាននាំឲ្យប៉ះពាល់យ៉ាងធ្ងន់ធ្ងរដល់សុខភាព។

លោក ស៊ាន ស៊ីណាត ប្រាប់ទៀតថា បន្ទាប់ពីចុះណែនាំការតាំងលក់រាល់ទំនិញឲ្យមានសុវត្តិភាព ក្រុមការងារបានចុុះពិនិត្យនិងដកហូតណែមសាច់ត្រី ផលិតនៅខេត្តបាត់ដំបង ហើយមកចែកចាយលក់នៅគល់ស្ពានទឹកថ្លា តាមបណ្ដោយផ្លូវជាតិលេខ០៥ ក្នុងសង្កាត់ទឹកថ្លា ក្រុងសិរីសោភ័ណខេត្តបន្ទាយមានជ័យ ព្រមទាំងណែនាំឲ្យអ្នកលក់ធ្វើកិច្ចសន្យានិងបញ្ឈប់ការដាក់តាំងលក់តទៅទៀត។

សូមបញ្ជាក់ផងដែរថា សារធាតុបូរ៉ាក់ ឬជាតិទឹកអន្សា ជា​សារ​ធាតុ​ដែល​ហាម​ឃាត់​ក្នុង​ច្បាប់​ចំណី​អាហារ ទោះ​បី​ជា​យ៉ាង​ណា ក៏​អ្នក​ផលិត​នៅតែ​ឆ្លៀត​ដាក់​ដើម្បី​ឱ្យ​ចំណី​អាហារ​របស់​ខ្លួន​មើល​ទៅ​ឃើញ​ល្អ​។ ជាតិ​ទឹក​អន្សា​នេះ គេ​ច្រើន​ដាក់​លើ​ប្រហិត​សាច់​គោ សាច់​ប៉ាត់​តេ ប្រហិត​ត្រី ប្រហិត​សាច់​មាន់ នំលត នំចាំង នំច័ក្កចាន់ គុយទាវ មី​ជា​ដើម ដើម្បី​ឱ្យ​ស្វិត​ល្អ។ សារ​ធាតុ​បូរ៉ាក់​អាច​ធ្វើ​ឱ្យ​អ្នក​បរិភោគ​មាន អាការ​ពុល ខ្សោយ​តម្រង​នោម ខួរ​ក្បាល រលាក​ប្រព័ន្ធ​រំលាយ​អាហារ រលាក​ក្រពះ​ពោះ​វៀន​ជាដើម​។ ហើយ​បើ​ស្រូប​យក​សារ​ធាតុ នេះ​កម្រិត​១៥ក្រាម ​ចំពោះ​មនុស្ស​ចាស់ និង​៥​ក្រាម​ចំពោះ​កូន​ក្មេង អាច​បណ្ដាល​ឱ្យ​ក្អួត​ឈាម​ស្លាប់​បាន​៕

photo_2016-08-23_20-25-07

photo_2016-08-23_20-25-10

photo_2016-08-23_20-25-12

photo_2016-08-23_20-25-15

photo_2016-08-23_20-25-18

photo_2016-08-23_20-25-21

photo_2016-08-23_20-25-24

photo_2016-08-23_20-25-27

Loading...