កំពង់ឆ្នាំងៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី១៤ ខែវិច្ឆិកា ឆ្នាំ២០២២ វេលាម៉ោង១០ និង២៩នាទី មានករណីអគ្គិភ័យ​ឆាបឆេះ​ផ្ទះ​បងប្អូនប្រជាពលរដ្ឋចំនួន ២គ្រួសារ ដែល​ស្ថិត​នៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង​ ។

មន្រ្តីនគរបាលស្រុកបរិបូរណ៌ បានឱ្យដឹងថា៖ ករណី​គ្រោះអគ្គិភ័យខាងលើនេះ​ បណ្តាលមកពីឆ្លងចរន្តអគ្គិសនី​បង្កជាអណ្តាតភ្លើងឆាបឆេះឡើង​តែ​ម្ដង ​។ ផ្ទះដែលរងការឆាបឆេះខាងលើនេះ​ជា​ផ្ទះរបស់៖ ១-ឈ្មោះ ឡេ យ៉ាំងសា ភេទប្រុស អាយុ ៦៣ឆ្នាំ ជនជាតិវៀតណាម ផ្ទះមានទំហំ​ ១២​ ×​ ៤,៧០​ម៉ែត្រ ជញ្ជាំងស័ង្កសី ដំបូលប្រក់ស័ង្កសី រនាបក្ដារ ឆេះអស់ទាំងស្រុង ។ ២-ឈ្មោះ សុខា ប៊ុណ្ណារិទ្ធិ ភេទប្រុស អាយុ ៥៤ឆ្នាំ ជនជាតិខ្មែរ មានផ្ទះចំនួន ០២ខ្នង ផ្ទះទី១​ មានទំហំ ១៨×១១ ម៉ែត្រ រនាបក្ដារ ជញ្ជាំងក្ដារ ដំបូលប្រក់ស័ង្កសី ជាផ្ទះរស់នៅ និងដាក់សម្ភារៈលក់ដូរ ផ្ទះទី២​ មានទំហំ ១១×៩,៥០​ ម៉ែត្រ រនាបក្ដារ ជញ្ជាំងក្ដារ ដំបូលប្រក់ស័ង្កសី ជាផ្ទះដាក់ឥវ៉ាន់លក់ ត្រូវឆេះអស់ទាំងស្រុង ។

ក្នុងកិច្ចប្រតិបត្តិការសង្គ្រោះនេះ រថយន្តពន្លត់អគ្គិភ័យរបស់អធិការដ្ឋាននគរបាលស្រុកបរិបូណ៌ មិនអាចជួយសង្គ្រោះបានមកពីផ្ទះប្រជាពលរដ្ឋនៅលើទឹក ហើយក្នុងករណីអគ្គិភ័យនេះមិនមានគ្រោះថ្នាក់ដល់ជីវិតមនុស្សឡើយ ៕