Post News Media ព័ត៌មានជាតិ គ.ជ.ប ស្នើសុំ...

គ.ជ.ប ស្នើសុំក្រសួងមានសមត្ថកិច្ចពង្រឹងកិច្ចការពារ សន្តិសុខ សុវត្ថិភាព ក្នុងពេលចុះឈ្មោះឆ្នោត

ភ្នំពេញ: នាព្រឹកនេះគណកម្មការរៀបចំការបោះឆ្នោត (គ.ជ.ប) និងក្រសួងមហាផ្ទៃបានធ្វើសន្និបាតផ្សព្វផ្សាយអន្តរស្ថាប័ននៃកិច្ចការការពារ សន្តិសុខ សុវត្ថិភាព ចុះឈ្មោះបោះឆ្នោត ដើម្បីរៀបចំការបោះឆ្នោតខាងមុខនេះ។

លោក សិន ប៊ុនហុក ប្រធានគណកម្មការរៀបចំការបោះឆ្នោត គ.ជ.ប បានថ្លែងថា នេះជាលើកទី២ ហើយដែលគណកម្មាការរៀបចំការបោះឆ្នោត ក្រសួងមហាផ្ទៃ និងក្រសួងការពារជាតិបានកសាងអន្តរស្ថាប័នសម្រាប់បោះឆ្នោត៤ជាប់ៗគ្នា។

លោកបានបន្ថែមថា នារយ:ពេល៤ឆ្នាំខាងមុខនេះ យើងមានការងារច្រើនដែលត្រូវបំពេញ លើកកម្ពស់ប្រជាធិបតេយ្យ សេរីពហុបក្ស ទាំងថ្នាក់ជាតិ និងថ្នាក់ក្រោមជាតិ តាមរយ:ការបោះឆ្នោតប្រកបដោយសុវត្ថិភាព គ្មានការគំរាមគំហែង ការបំភិតបំភ័យ ឬអំពើហិង្សាឡើយ។ ការចុះឈ្មោះបោះឆ្នោត សម្រាប់ការរៀបចំបញ្ជីឈ្មោះឆ្នោតឆ្នាំថ្មី២០១៦ ដែលការងារនេះនឹងចាប់ផ្តើមថ្ងៃទី១ កញ្ញារហូតដល់២៩ វិច្ឆិកា ២០១៦(មានរយ:ពេល៩០ថ្ងៃ) ការចុះឈ្មោះបោះឆ្នោតជ្រើសរើសសមាជិកក្រុមប្រឹក្សាឃុំ សង្កាត់ អាណត្តិទី៤ ដែលប្រព្រឹត្តនាថ្ងៃទី៤ មិថុនា ២០១៧។

លោក ស៊ិន បុនហុក បានបន្ថែមថា តាមតួលេខប៉ាន់ស្មាន គឺប្រជាពលរដ្ឋប្រមាណជាង ៩,៦ លាននាក់នឹងចូលរួមចុះឈ្មោះបោះឆ្នោត។ ការចុះឈ្មោះបោះឆ្នោតថ្មីនេះធ្វើដោយកុំព្យូទ័រតាំងពីថ្នាក់ឃុំ សង្កាត់ រួចបញ្ជូលទិន្នន័យតាមប្រព័ន្ធអ៊ីនធឺណែតមកមជ្ឈមណ្ឌល គ.ជ.ប ដើម្បីរៀបបញ្ជីបោះឆ្នោតជាផ្លូវការ។

ក្នុងនោះលោកបានរំឭកថា តាមបទពិសោធន៍កន្លងមក នាពេលឃោសនានោះមានរឿងរ៉ាវច្រើនណាស់ ព្រោះគណក្សនយោបាយតែងផ្សាភ្ជាប់នឹងរឿងនយោបាយ៕

គ.ជ (1)

គ.ជ (2)

គ.ជ (3)

គ.ជ (4)

គ.ជ (5)

Loading...