ក្រុមហ៊ុនទូរស័ព្ទដៃ Samsung បានដាក់បង្ហាញសមាជិកថ្មីនៃគ្រួសារត្រកូល Galaxy S II ដោយស្ងាត់ៗ។ ចំណូលថ្មីនោះមានឈ្មោះថា Samsung I929 Galaxy S II Duos ដែលជាបច្ចេកវិទ្យាទូរគមនាគមន៍របស់ចិន ហើយ​វា​ក៏​ជា​អ្នក​មាន​សំណាង​ដំបូង​បំផុត​ដែល​អាច​ប្រើ​នូវ​ប្រព័ន្ធ​ CDMA2000 និង GSM នៃគ្រួសារ Galaxy S II។ ម៉ូដែលនេះមានអេក្រង់ទំហំ 4.52 អ៊ីង ប្រភេទ Super AMOLED ដែល​មាន​អង្គ​ប្រតិបត្តិការ 1.2 GHz dual-core CPU ក្នុងនោះក៏មានផងដែរនូវកាមេរ៉ាសម្រាប់ចាប់យករូបភាពដែលមាន 8 មេហ្គាភិចសែល ព្រម​ទាំង​អាច​ថត​វីដេអូ​បាន​ក្នុងកម្រិត 1080p ចំណែកឯកាមេរ៉ាមុខវិញមានទំហំ 2 មេហ្គាភិចសែល។ សម្រាប់​ប្រព័ន្ធ​ដំណើរ​ការ​វិញ​គឺ​ប្រើប្រាស់​ Android 2.3 Gingerbread ។ សង្ឃឹមថាម៉ូដែលនេះ​នឹងអាចប្រើ Android 4.0 (ICS) ក្នុងពេលឆាប់ៗនេះ៕