ទីក្រុងភ្នំពេញ៖ អង្គការសិល្បៈខ្មែរអមតៈ បានប្រកាសបើកកម្មវិធីអាហាររូបករណ៏ឆ្នាំ ២០១២នៅក្នុងកម្មវិធីសន្និសីទកាសែត នៅថ្ងៃទី ២៦ ខែ ធ្នូ ឆ្នាំ ២០១១ នេះស្តី ពីអាហាររូបករណ៍ អានចនផន ឆ្នាំ២០១២ ។ កម្មវិធីនេះនឹងចាប់ផ្តើមនៅខែ មករា ក្នុងគោលបំណងជួយឩបត្ថម្ភខាងផ្នែកអប់រំដល់សិស្សដែលមានទេពកោសល្យផ្នែកសិល្បៈបុរាណខ្មែរ ប៉ុន្តែពុំមានលទ្ឋភាផ្នែកហិរញ្ញវត្ថុ ។
លោក សុង សេង អ្នកគ្រប់គ្រងកម្មវិធីនៃអង្គការសិល្បៈខ្មែរអមតៈ បានឲ្យដឹងថា កម្មវិធីអាហាររូបករណ៍នេះគឺជាផ្នែកមួយនៃបេសកកម្មរបស់អង្គការសិល្បៈខ្មែរអមតៈក្នុងការបណ្តុំឲ្យមានសិល្បៈករ និង គ្រូសិល្បៈជំនាន់ក្រោយ ។ សព្វថ្ងៃក្នុងប្រទេសកម្ពុជាមានចំនួនមិនដល់ពាក់កណ្តាលផង យុវជនដែលបានចូលសាលាមានអាយុពី ១៥ ទៅ ១៩ ឆ្នាំ ក្នុងនោះទៀតសោតភាពខុសគ្នារវាងបុរស នារីមានលក្ខណៈធំធេងណាស់។ មូលហេតុនេះហើយទើបសិល្បៈខ្មែរអមតៈផ្តល់អាហាររូបករណ៍ផ្នែកវិទ្យាល័យ មហាវិទ្យាល័យ និង អភិវឌ្ឍន៍ជំនាញសិល្បៈ សម្រាប់ឆ្នាំ ២០១២ ដោយផ្តោតគោលដៅទៅលើសិស្សានុសិស្សសិល្បៈ ៣ ក្រុម គឺ ស្រ្តីភេទ យុវជនក្រីក្រ នឹងសិល្បៈករដែលមានសក្តានុពលដឹកនាំក្នុងវិស័យសិល្បៈ ។ កញ្ញា ជៀម សុធារត្ន័ បាននិយាយថា នាងគឺ ជា អតីតសិស្សអាហាររូបករណ៍វិទ្យាល័យមួយរូបនិង ជាសិស្សអាហាររូបករណ៍មហាវិទ្យាល័យរបស់សិល្បៈខ្មែរអមតៈ នាងបាននិយាយថា “ខ្ញុំមិនដែលគិតថាខ្ញុំអាចបន្តការសិក្សាក្នុងក្រុងភ្នំពេញទេ” ។ បើគ្មានសិល្បៈខ្មែរអមតៈខ្ញុំប្រហែលជាឈប់រៀននិងរៀបការមានគ្រួសារទៅហើយ។ គួរបញ្ចាក់ផងដែរថា សព្វថ្ងៃនេះនាងជាគ្រូផ្នែកសិល្បៈស្មូត្រថែមទាំងសម្តែងជាប្រចាំក្នុងប្រទេសកម្ពុជាក៏ដូចជានៅសហរដ្ឋអាមេរិក ។
នៅខាងក្រោមនេះ គឺជាឈ្មោះសិស្សនិស្សិត ដែលទទួលបានអាហាររូបករណ៍ពី សិល្បៈខ្មែរអមតៈ
៖
១. កញ្ញា ជៀម សុធារត្ន័
២.លោក ផន ចំរើន
៣.លោក លន់ ជំនិត
៤.លោក ប៉ែត ក្រឹម
៥.កញ្ញា មៀង ប៊ុនណា
៦.កញ្ញា ឆែម ស្រីនី ៕
មតិយោបល់