កីឡាករប្រដាល់របស់ពិភពលោក Wladimir Klitschko ដែលមាប្រវត្តិប្រកួត ៥៨ ដង ចាញ់ ៣ និងផ្តួលដៃគូរប្រកួតឲ្យសន្លប់ក្រោមកណ្តាប់ដៃខ្លួន ៥១ លើក និង អ្នកប្រដាល់ស្បែកខ្មៅ Mariusz Wach ប្រវត្តិប្រកួត ២៧ ដង មិនដែលចាញ់ ផ្តួលដៃគូរឲ្យសន្លប់១៥ លើក ។កាលពីពេលកន្លងទៅថ្មីៗនេះដែរ ដៃគូរប្រកួតនេះ បានធ្វើសន្និសីទ កាសែតនិយាយពី ការឡើងសង្វៀនរបស់ពួកគេដែលធ្វើឡើងនៅ Google Germany HQ ក្នុងក្រុង Hamburg ជាប្រដាល់ដណ្តើមខ្សែក្រវ៉ាត់ ប្រភេទទម្ងន់ IBF, WBA, WBO, IBO និង “The Ring Magazine” ដែលជាប្រកួតនេះ ធ្វើឡើងនៅថ្ងៃទី ១០ ខែ វិច្ឆិកា ឆ្នាំ ២០១២ ខាងមុខនេះ។

ក្នុងការធ្វើសន្និសីទកាសែតនេះ Wladimir Klitschkoមិនក្រោធ ក្រាវនោះទេដោយរក្សានូវភាពស្ងប់ស្ងាត់។ កីឡាកររូបនេះ បាននិយាយថា ខ្ញុំជឿជាក់ថា ខ្លួននឹងអាចការការពារ និងយកខ្សែរក្រវ៉ាត់បន្ថែមពីគូប្រកួតទៀតផង។

ចំណែកកីឡាករ Mariusz Wach បាននិយាយថា “ខ្ញុំដឹងខ្លួនថា ខ្ញុំពិតជាលំបាកហើយសម្រាប់ការប្រកួតជាមួយនឹង Wladimir Klitschko តែ ទោះជាយ៉ាងណាខ្ញុំបានរៀបចំខ្លួនរួចរាល់ហើយ ដើម្បី ឈានដល់ទៅ ១២ ទឹកនោះ ហើយខ្ញុំក៏បានរៀបចំក្បាច់ប្លែកៗសម្រាប់ Wladimir Klitschko និងទប់ទល់ពីការប្រមាញ់របស់កីឡាកររូបនេះ និងក៏សង្ឈឹមថា អាចយកខ្សែក្រវ៉ាត់ពី Wladimir Klitschko ផងដែរ ”។

គួរបញ្ជាក់ផងដែរថា សម្រាប់ការប្រកួតនេះ នឹងធ្វើការផ្សាយបន្តផ្ទាល់តាមរយៈស្ថានីយ៍ទូរទស្សន៍ RTL របស់អាល្លឺម៉ង់ និង ហើយ EPIX និងធ្វើការបង្ហាញការប្រកួតនៅ US វេលាម៉ោង 4:30 p.m. ET / 1:30 p.m. PT ដែលជាម៉ោងក្នុងប្រទេសខាងលើនេះ៕