បុរសម្នាក់ជាប់គុក ៣ឆ្នាំ និងម្នាក់ទៀតជាប់គុក ៥ឆ្នាំ ពីបទជាប់ចោទជួញដូរក្រលៀនក្មេងជនជាតិចិន កាលពី១ឆ្នាំមុន។
តុលាការចិនបានធ្វើការកាត់ទោស មនុស្សចំនួន ៧នាក់ ដែលជាប់ពាក់ព័ន្ធនឹងរឿងក្ដីជួញដូរក្រលៀនក្មេងជនជាតិចិនអាយុ ១៧ឆ្នាំ ដើម្បីយកលុយទៅទិញ iPad 2 របស់ក្រុមហ៊ុន Apple។
ក្នុងចំណោមមនុស្សទាំង ៧នាក់ តុលការបានសម្រេចកាត់ទោសលោក Song Zhongyu ជាពេទ្យវះកាត់ ឲ្យជាប់គុក ៣ឆ្នាំ និងលោក He Wei ជាភ្នាក់ងាររៀបចំការជួញដូរនេះជាប់គុក ៥ឆ្នាំ ចំណែកមនុស្សម្នាក់នាក់ទៀត តុលាការមិនបានប្រកាសឲ្យដឹង។
គួរបញ្ជាក់ផងដែរថា កាលពីឆ្នាំកន្លងទៅ មានក្មេងប្រុសជនជាតិចិនម្នាក់ អាយុ ១៧ឆ្នាំ បានសម្រេចិត្តលក់ក្រលៀនរបស់ខ្លួនឲ្យទៅពួកឈ្នួញដើម្បីជាថ្នូរនឹងទឹកប្រាក់ចំនួន ២០.០០០យ័ន(ជាង ៣ពាន់ដុល្លារអាមេរិក) ដោយយកលុយនោះទៅទិញ iPad 2 និង iPhone 4៕
ព័ត៌មានជាតិ
មតិយោបល់