កាលពីថ្ងៃអង្គារម្សិមិញនេះ មានឧបទ្ទេវហេតុ បាក់រលំអគារដ៏ធំមួយខ្នង ដែលកំពុងតែត្រូវបានសាងសង់នៅឡើយនៅក្នុងរដ្ឋមហារាស្ត្រ ប្រទេសឥណ្ឌា បានបាក់រលំទាំងជំហរ បណ្តាលអោយកម្មករសំណង់ ១៣នាក់ បានបាត់ បង់ជីវិត និងជាង១០នាក់ផ្សេងទៀតបានរងរបួសយ៉ាងធ្ងន់ធ្ងរ។
ក្រុមអ្នកជួយសង្គ្រោះ កំពុងតែប្រឹងប្រែងគាស់កកាយគំនរបាក់បែកនៃអគារ ដើម្បីស្វែងរកជនរងគ្រោះបន្ថែមទៀត ដែលអាចនៅជាប់ខ្លួន នៅក្នុងគំនរអគារបាក់បែកនោះ ប៉ុន្តែមន្ត្រីមូលដ្ឋាន មិនបានបង្ហាញអំពីចំនួនអ្នកដែលបានបាត់ខ្លួនឲ្យបានច្បាស់លាស់នៅឡើយនោះទេ។
ទោះបីជាយ៉ាងណាក៏ដោយប្រភពព័ត៌មានបានឲ្យដឹងថា ការបាក់រលំអគារកំពុងតែសាងសង់នេះ អាចបណ្តាលមកពីការសាងសង់ខុសបច្ចេកទេស ដោយមិនបានគូរប្លង់ត្រឹមត្រូវទៅតាមមាត្រដ្ឋាននោះ។
គួរបញ្ជាក់ផងដែរថានេះមិនមែនជាលើកទី ១ទេ សម្រាប់ឥណ្ឌាដែលទទួលរងនូវឧបទ្ទេវហេតុបែបនេះ ដែលបណ្តាលឲ្យមនុស្សស្លាប់ និងរបួសជាច្រើនរយនាក់ដោយសារការរំលំអគារ នៅក្នុងមួយឆ្នាំៗក្នុងប្រទេសនេះ៕
មតិយោបល់