កាប៊ុល៖ យ៉ាងតិចមានមនុស្ស ៤នាក់បានស្លាប់នៅនឹងកន្លែង ដោយសារមានការបំផ្ទុះរថយន្តអត្តឃាតមួយ ដែលគោលដៅរបស់រថយន្តអត្តឃាតនេះគឺទីភ្នាក់ងាររក្សាសន្ដិសុខ អន្តរជាតិណាតូ។ ហេតុការណ៍នេះបានកើងឡើងនៅក្នុងទីក្រុង Khost ចំណាយប្រមាណជា ១៥០គីឡូម៉ែត្រពីរដ្ឋធានីកាប៊ុល កាលពីថ្ងៃពុធ កន្លងទៅនេះ។
មានរថយន្តមួយផ្ទុកទៅដោយគ្រាប់រំសេវ បានបើកសម្រុកចូលតាមច្រកទ្វារភាគខាងកើតនៃអាកាសយាន្តដ្ឋាន Khost ដែលជាមូលដ្ឋានទ័ពចម្រុះ ហើយរថយន្តបានផ្ទុះឡើងនៅពេលដែលទាហារយាមច្រកទ្វារបញ្ជាឲ្យឈប់ ដើម្បីត្រូតពិនិត្យ ដែលបណ្ដាលឲ្យទាហាន ៤រូបបានស្លាប់។ នេះបើយោងតាមសម្ដីរបស់មេបញ្ជាការប៉ូលិសបានប្រាប់ដល់ភ្នាក់ងារព៏ត៌មាន។
សេចក្ដីរាយការណ៍ពីស្ថានីយប៉ូលិសនៅក្រោយពេលហេតុការណ៍កើតឡើង បានឲ្យដឹងថា ការវាយប្រហារនេះ បានកើតឡើងនៅវេលាម៉ោង ៧និង ៤៥នាទីព្រឹក ម៉ោងក្នុងតំបន់ នៅត្រង់ចំណុចច្រកទ្វារខាងកើតនៃអាកាសយាន្ដដ្ឋាន ដែលក្នុងនោះបានស្លាប់ជនស៊ីវិល ២រូប និងទាហាម្នាក់ ព្រមទាំងរបួសជាច្រើននាក់៕
ព័ត៌មានជាតិ
មតិយោបល់