ទូរទស្សន៍រដ្ឋរបស់អ៊ីរ៉ង់ បានផ្សាយកាលនៅថ្ងៃព្រហស្បតិ៍ ទី ២៧ខែធ្នូ ឆ្នាំ ២០១២ ម្សិលមិញនេះថា សមាជិកសភា១រូបរបស់អ៊ឺរ៉ង់ និយាយថា អាមេរិក ជាអ្នកបង្កនូវភាពអសន្តិសុខនៅក្នុងតំបន់មជ្ឈិមបូព៌ា គឺដើម្បីកេងយកផលចំណេញសម្រាប់ខ្លួនឯង។
ប្រភពខាងលើបានបន្តទៀតថា សហរដ្ឋអាមេរិក បានព្យាយាមរុញច្រានទម្លាក់តំបន់មជ្ឈិមបូព៌ាឲ្យធ្លាក់ចូលទៅក្នុងស្ថានភាពមួយដែលយ៉ាបយ៉ឺន បន្តមកខ្លួននឹងបានបន្តកតព្វកិច្ចយោធានៅក្នុងតំបន់។
តំបន់មជ្ឈិមបូព៌ា ជាគោលដៅចម្បងមួយសម្រាប់អាមេរិក ហេតុដូច្នេះ ហើយបានជា រដ្ឋាភិបាលក្រុង វ៉ាស៊ីនតោន ព្យាយាមបង្កើនតួនាទី របស់ខ្លួនទៅកាន់ បណ្តាប្រទេសនីមួយៗ នៅក្នុងតំបន់នេះ ស្របពេល ដែលនៅអ៊ីរ៉ាក់ សហរដ្ឋអាមេរិកមិនទាន់ មានការបកស្រាយ គ្រប់គ្រាន់ សម្រាប់ការ បន្តវត្តមានយោធា របស់ខ្លួនផងនោះ ។
អ៊ីរ៉ង់ថែមទាំងបានចោទប្រកាសថា អាមេរិកជាមេខ្លោងក្នុងការដឹកនាំ ការវាយប្រហារ ដោយបំផ្ទុះ គ្រាប់បែក និង ភេរវកម្ម តាមទីសាធារណទាំងឡាយក្នុងប្រទេស ប៉ុន្តែសម្រាប់ការចោទប្រកាន់នេះ អាមេរិកនៅមិនទាន់មានប្រតិកម្ម និងសេចក្តីតបតណាមួយឡើយ៕
ព័ត៌មានជាតិ
មតិយោបល់