តុលាការ​បាន​សម្រេច​ឲ្យ​ក្រុមហ៊ុន Amazon ឈ្នះ​ក្ដី Apple ក្នុង​បទ​ចោទ​ប្រកាស់​ប្រើប្រាស់​ឈ្មោះ «app store» នៅ​លើ​ប្រព័ន្ធ​ដំណើរការ Android​។​

​យោង​តាម​គេហទំព័រ Bloomberg ដែល​ចុះផ្សាយ​នៅ​ព្រឹក​ថ្ងៃទី ០៣​ខែ​មករា ឆ្នាំ ២០១៣ នេះ​ថា ការចោទប្រកាន់​ដែល​ឥត​ភស្ដុតាង​របស់ Apple មកលើ Amazon នោះ​គឺ​មិន​អាច​យក​ជា​ផ្លូវការ​នោះ​ទេ​។​

​ការចោទប្រកាន់​របស់ Apple បាន​លើក​ឡើង​បន្ទាប់ពី ក្រុមហ៊ុន Amazon ប្រើប្រាស់​ឈ្មោះ «App Store» ជា​កម្មវិធី​ប្រើ​នៅលើ Android កាលពី​ឆ្នាំ ២០១១ ព្រោះថា Apple បាន​ប្រើប្រាស់ «APP STORE» តាំងពី​ឆ្នាំ ២០០៨​។​

​តុលាការ​បាន​លើកឡើង​ថា អតិថិជន​ដែល​ប្រើប្រាស់ app store នៅលើ Android មិន​បាន​យល់​ច្រឡំ​ថា​ជា​របស់ Apple នោះទេ ដូច្នេះ​ការចោទប្រកាន់​របស់ Apple មកលើ Amazon គឺ​មិន​អាច​យក​ជា​ផ្លូវការ​បាន​ទេ​៕