វ៉ាស៊ីនតោន:កាលពីថ្ងៃពុធម្សិលមិញនេះតុលាការបានប្រកាសប្រាប់ថាជនសង្ស័យបីនាក់ទៀតដែលត្រូវបានចាប់ខ្លួននិងជាប់ចោទពីបទព្យាយាមបំផ្លាញភស្តុតាងនិងភូតកុហកក្រុមអ្នកស៊ើបអង្កេតនៅក្នុងករណីបំផ្ទុះគ្រាប់បែកមួយនៅទីក្រុងបូស្តុនកាលពីថ្ងៃទី 15 មេសាកន្លងទៅ។
https://i1272.photobucket.com/albums/y389/domneng/Dzhokahar-in-Times-Square-2_zps1c5c6969.jpg
តុលាការបាននិយាយថា Dias Kadyrbayev និង Azamat Tazhayakov ដែលមានអាយុ 19 ឆ្នាំដូចគ្នាត្រូវបានតុលាការប្រកាសជាប់ចោទពីបទរួមគំនិតគ្នាក្នុងការធ្វើឲ្យរាំងស្ទះដល់ដំណើរការកាត់ក្តីដោយព្យាយាមលាក់បាំងបំផ្លាញកំព្យូទ័រមួយគ្រឿងនិងកាបូបដែលមានផ្ទុកទៅដោយកាំជ្រួចដែលទាំងអស់នេះជាកម្មសិទ្ធរបស់ Dzhokhar Tsarnaev ដែលត្រូវជាប់ចោទជាឧក្រិដ្ឋជនដាក់គ្រាប់បែកបំផ្ទុះនៅក្នុងការរត់ម៉ារ៉ាតុងក្នុងទីក្រុងបូស្តុន។
ជនសង្ស័យទីបីដែលចូលរួមគំនិតក្នុងការលាក់បំពួននិងព្យាយាមបំផ្លាញភស្តុតាងជាជនអាមេរិកមានឈ្មោះ Robel Phillipos អាយុ 19 ឆ្នាំក៏ត្រូវបានជាប់ចោទក្នុងទោសដូចគ្នាដែរដែលនឹងត្រូវជាប់គុកយ៉ាងហោចណាស់ 5 ឆ្នាំនិងពិន័យជាទឹកប្រាក់ 250.000 ដុល្លារអាមេរិកផងដែរ។
ជនជាប់ចោទទាំងបីនាក់ដែលមានពីរនាក់ជាជនជាតិកាស្សាស្ថាននិងម្នាក់ទៀតជាជនជាតិអាមេរិកត្រូវបានគេបញ្ជាក់ថាជាមិត្តរៀនជាមួយគ្នាកាលនៅពីវិទ្យាល័យ៕
មតិយោបល់