អាមេរិក: ប៉ូលីសបាននិយាយថានៅទីក្រុងឡាសវេហ្កាសបុរសពីរនាក់ត្រូវបានចាប់ខ្លួនក្រោយការសម្លាប់ក្មេងប្រុសម្នាក់ប្លន់យក iPad មួយគ្រឿង។
Jacob Dismont អាយុ18ឆ្នាំនិង Michael Solid ដែលមានអាយុ 21 ឆ្នាំកាលពីថ្ងៃសៅរ៍ត្រូវបានសាលក្រមសម្រេចឃុំខ្លួនពីបទសម្លាប់និងប្លន់ក្មេងប្រុសម្នាក់។
អ្នកស៊ើបអង្កេតមា្នក់បាននិយាយថាក្មេងប្រុស Marcos Arenas ដែលមានអាយុ 15 ឆ្នាំកំពុងតែដើរនៅលើផ្លូវមួយកន្លែង។ក្មេងប្រុសម្នាក់នោះត្រូវបានជនល្មើសសម្លាប់ក្រោយការប្រទាញប្រទង់គ្នានិងប្រកែកមិនព្រមប្រគល់ iPad នោះទៅឲ្យបុរសទាំងពីរ។ក្មេងប្រុស Arenas ព្យាយាមតាមយក iPad ពីឡានរបស់ជនល្មើសហើយក៏ត្រូវគៀបជាប់និងអូសរហូតដល់ខ្លួនជ្រុះចេញពីឡានហើយត្រូវឡានកិនពីលើដងខ្លួនដែលក្រោយមកក៏ត្រូវបានស្លាប់នៅពេលបញ្ជូនទៅដល់មន្ទីរពេទ្យ។
ការប្លន់យក iPad និង Apple ក្លាយជារឿងដែលឧស្សាហ៍កើតឡើងនៅគ្រប់ទីកន្លែងនៅតាមប្រទេសមួយចំនួនដូចនេះប៉ូលីសបានត្រឹមតែបញ្ជាក់ប្រាប់ថាអ្នកដែលប្រើប្រាស់នូវគ្រឿងទាងនោះគួរតែព្យាយាមមិនបាច់ប្រកែកបដិសេធនៅពេលដែលមានហេតុការណ៍ស្រដៀងនេះកើតឡើងនោះទេ៕
https://i1272.photobucket.com/albums/y389/domneng/130519_iPad_shootings_660_zpsb13cb41c.jpg
មតិយោបល់