ខ្នុរ គឺជាផ្លែឈើមួយប្រភេទមានប្រភពវីតាមីន C ដ៏សន្ធឹកសន្ធាប់ ដែលវីតាមីន C ជាសារជាតិជួយសរីរាង្គប្រឆាំងបាតុភូតឆ្លងវីរុស និងបាក់តេរី។ វីតាមីន C ជួយបង្កើនសមត្ថកិច្ចប្រព័ន្ធអង្គបដិបក្ខដោយវិធីជំនួយសមត្ថកិច្ចរបស់កោសិកាឈាមស។ ទឹកផ្លែខ្នុរមួយចាន ឬមួយកែវ អាចផ្គត់ផ្គង់សរីរាង្គបរិមាណដ៏ធំមួយនៃសារជាតិអុកស៊ីតកម្ម ជួយការពារសរីរាង្គ ក៏ដូចជាផ្តល់នូវផលប្រយោជន៍ជាច្រើន រួមមាន ៖
១. ប្រឆាំងតបតជំងឺមហារីក: ក្រៅពីវីតាមីន C ខ្នុរសម្បូរសារជាតិជីវជាតិរុក្ខជាតិ ជាប្រភេទសារជាតិមានលក្ខណ:ពិសេស អាចប្រឆាំងមហារីក និងប្រឆាំងភាពចំណាស់។
២. ជួយប្រព័ន្ធរំលាយអាហារ: ខ្នុរក៏ជាពពួកសារជាតិមានលក្ខណ:ពិសេសប្រឆាំងរលាក និងច្របូកច្របល់រំលាយអាហារ។ ទន្ទឹមនឹងនោះខ្នុរក៏សម្បូរសារជាតិសរសៃ ដូច្នេះហើយ វាជួយទប់ស្កាត់ការទល់លាមក និងបត់ជើងស្រួល។ សារជាតិសរសៃនេះ ក៏មានឥទ្ធិពលកម្ចាត់ចោលស្រទាប់រំអិលច្បាមនៅពោះវៀន ផ្តើមពីនោះ ជួយបន្ថយគ្រោះថ្នាក់កើតជំងឺមហារីកពោះវៀនធំ។
៣. បំពេញថាមពល: ខ្នុរត្រូវបានចាត់ទុកដូចជាផ្លែឈើថាមពលមួយ ដោយសារវត្តមានរបស់ពពួកស្ករ ហើយប្រភេទស្ករនេះ ជួយអ្នកបំពេញបន្ថែមនូវថាមពល។ ថ្វីត្បិតខ្នុរជាប្រភេទផ្លែឈើថាមពល តែវាបែរជាមិនផ្ទុកជាតិខ្លាញ់ឆ្អែត កូឡេស្តេរ៉ូល ទេ។ ដូច្នេះ វាជាប្រភេទផ្លែឈើដ៏វិសេស ដើម្បីទទួលទាន។
៤. ឱសថព្យាបាលលើសឈាម: ប៉ូតាស្យូមនៅក្នុងផ្លែខ្នុរ ត្រូវបានបញ្ជាក់ថា មានឥទ្ធិពលអាចបញ្ចុះសម្ពាធឈាម។ ដូច្នេះ ទទួលទានខ្នុរ ធ្វើឱ្យថយចុះគ្រោះថ្នាក់នៃជំងឺបេះដូង និងដាច់សរសៃឈាមខួរក្បាល។
៥. ជួយឱ្យឆ្អឹងរឹងមាំ: ខ្នុរសម្បូរម៉ាញេស្យូម ជាសារជាតិជីវជាតិសំខាន់មួយ ក្នុងការស្រូបយក កាល់ស្យូម និងគួបផ្សំជាមួយកាល់ស្យូម ដើម្បីជួយឱ្យឆ្អឹងរឹងមាំ ទប់ស្កាត់ភាពមិនប្រក្រតីពាក់ព័ន្ធដល់ឆ្អឹង ដូចជាពុកឆ្អឹង។
៦. ទប់ស្កាត់ខ្វះឈាម: ខ្នុរ ក៏ផ្ទុកយ៉ាងច្រើននូវសារជាតិដែក ជួយទប់ស្កាត់ជំងឺខ្វះឈាម និងគ្រប់គ្រងការជួយចរាចរណ៍ឈាមក្នុងសរីរាង្គ។ ចំពោះអ្នកទទួលទានតមខ្នុរ ក៏ជាប្រភេទផ្លែឈើអាចទប់ស្កាត់ស្ថានភាពខ្វះជាតិដែក ផងដែរ៕
មតិយោបល់