បាដាដោ៖:មនុស្សដល់ទៅ15នាក់ទៀតដែលត្រូវបានសម្លាប់នៅក្នុងការបាញ់ប្រហារនិងបំផ្ទុះគ្រាប់បែកអត្តឃាតផ្សេងគ្នានៅក្នុងប្រទេសអ៊ីរ៉ាក់កាលពីថ្ងៃព្រហស្បតិ៍ដែល 65 នាក់ទៀតទទួលរងរបួសនិងបញ្ជូនទៅមន្ទីរពេទ្យ។
នៅក្នុងទីក្រុងបាដាដទាហានម្នាក់បានស្លាប់និង 6 នាក់ទៀតរងរបួសនៅខណះដែលឡានដែលបើកបរដោយជនធ្វើអត្តឃាតម្នាក់បានបើកសំដៅចូលទីក្រុងហើយចុចបំផ្ទុះឡានខ្លួនតែម្តង។ការបំផ្ទុះឡានពីរគ្រឿងផ្សេងទៀតដែលស្ថិតនៅក្នុងស្រុកមួយនៃភាគខាងជើងឆៀងខាងលិចបានសម្លាប់មនុស្ស 5 នាក់និងរបួស 20 នាក់។នៅក្នុងស្រុក Karrada រថយន្តពីរគ្រឿងបានផ្ទុះឡើងសម្លាប់ប្រជាពលរដ្ឋបីនាក់និងរបួសដល់ទៅ 16 នាក់នៅពេលដែល 10 នាក់ផ្សេងទៀតរងរបួសនៅក្នងហេតុការណ៍បំផ្ទុះឡានផ្សេងទៀតនៅក្នុងខ្សែផ្លូវពីស្រុក SaidiyahទៅBaladiyat ភាគខាងត្បួងនឺទីក្រុងបាដាដ។
នៅក្នុងហេតុការណ៍បាញ់ប្រហារមួយនៅក្នុងថ្ងៃដដែលបានសម្លាប់ប៉ូលិសព្រំដែនពីរនាក់នៅត្រង់ចំណុចផ្លូវហាយវេយ៍មួយដែលស្ថិតនៅចន្លោះផ្លូវពីតំបន់ Ramadi ទៅប្រទេស Jordan ។គួររំឭកដែរថាមុនមួយថ្ងៃគឺនៅថ្ងៃពុធអ៊ីរ៉ាក់បានស្លាប់មនុស្សដល់ទៅ 26 នាក់និងរងរបួសដល់ទៅ 80 នាក់នៅក្នុងរយះពេលតែមួយថ្ងៃប៉ុណ្ណោះ៕
https://i1272.photobucket.com/albums/y389/domneng/3%20lady/c6afb7f9074d4fccaec2c2be9b5e2e92_zps8d9c2440.jpg
https://i1272.photobucket.com/albums/y389/domneng/3%20lady/Mideast_Iraq_Violence_Dure_t670_zpsf4837e70.jpg
មតិយោបល់