អគ្គលេខាធិការ អង្គការសហប្រជាជាតិ លោក បាន គីមួន បានអំពាវនាវកាលពីថ្ងៃសុក្រ កន្លងទៅនេះឲ្យកងកម្លាំងអេហ្ស៊ីប ត្រូវធ្វើការការពារបាតុករ កុំឲ្យមានការប៉ះទង្គិចគ្នាដោយហិង្សានៅក្នុងប្រទេសបន្ទាប់ពីកើតមានវិបត្តិថ្មីៗជាច្រើន។
យោងតាមទីភ្នាក់ងារព័ត៌មានចិន សិនហួ ចុះផ្សាយនៅថ្ងៃទី០៦ខែកក្កដា កន្លងទៅនេះថា ដោយផ្អែកតាមការលើកឡើង របស់អ្នកនាំពាក្យ របស់លោក បាន គីមូន ក្នុងសេចក្តីថ្លែងមួយថា លោកអគ្គលេខាធិការមាន ការជឿជាក់យ៉ាងខ្លាំងក្លាថា នេះជាកាលៈទេសៈដ៏ មានសារៈសំខាន់ ដើម្បីឲ្យប្រជាជន អេហ្ស៊ីបទាំងអស់ ធ្វើការជាមួយគ្នា សម្រាប់កំណត់ ទិសដៅមួយ ដែលពោរពេញដោយ សន្តិភាព និងការត្រឡប់មកវិញនូវ ការគ្រប់គ្រងដោយស៊ីវិល ការធ្វើតាមច្បាប់ រដ្ឋធម្មនុញ្ញ និងត្រូវមានរដ្ឋាភិបាល មួយដែលមានលទ្ធិ ប្រជាធិបតេយ្យ។
លោកបានបន្តទៀតថា មេដឹកនាំនយោបាយ អេហ្ស៊ីបទាំងអស់ ត្រូវមានការទទួលខុសត្រូវ ដើម្បីបង្ហាញពីការ ប្តេជ្ញារបស់ពួកគេ ក្នុងការនាំមកនូវសន្តិភាព និងការចរចាតាម បែបលទ្ធិប្រជាធិបតេយ្យ ដែលក្នុងនោះរួមមាន ការបោះឆ្នោតគ្រប់ពលរដ្ឋ អេហ្ស៊ីបទាំងអស់៕
https://i1272.photobucket.com/albums/y389/domneng/Decore/moon-call11_zpsb6ca1f04.jpg
មតិយោបល់