​លោក Stephen Elop នាយក​ប្រតិបត្តិ​ក្រុមហ៊ុន​ផលិត​ទូរស័ព្ទដៃ​ហ្វាំ​ង​ឡង់ Nokia ធ្លាប់បាន​និយាយថា Windows Phone គឺជា​ប្រព័ន្ធ​ដំណើរការ​តែមួយ​គាត់​ដែល​ក្រុមហ៊ុន​បាន​យកចិត្តទុកដាក់ និង​ផ្ដោត​សំខាន់​លើ​។​

​មាន​ប្រភព​ជាច្រើន​បាន​និយាយថា ហេតុអ្វី​បានជា​ក្រុមហ៊ុន Nokia មិន​ជ្រើស​រើសយក Android មក​ធ្វើជា​ប្រព័ន្ធ​ដំណើរការ​សម្រាប់​ស្មា​ត​ហ្វូ​ន​របស់ខ្លួន​? គ្មាន​ចម្លើយ​ណាមួយ​បញ្ជាក់​ពី Nokia នោះទេ ប៉ុន្តែ​នៅពេលនេះ ចម្លើយ​ត្រូវបាន​លាតត្រដាង​។​

​ជំនួប​ជាមួយនឹង​អ្នកយកព័ត៌មាន​ជាច្រើនរូប លោក Elop បាន​និយាយថា លោក​មានការ​សប្បាយរីករាយ​ជាមួយនឹង​ការសម្រេចចិត្ត​ប្រើប្រាស់ Windows Phone​។ លោក​បាន​បញ្ជាក់បន្ថែម​ទៀតថា អ្វីដែល​ជាការ​ព្រួយបារម្ភ​នោះ​គឺ​ខ្លាច​នៅពេល​អនាគត​ក្រុមហ៊ុន Hardware ត្រូវ​គ្រប់​ដណ្ដប់​ដោយ Android​។ មាន​ក្រុមហ៊ុន​ជាច្រើន​បានជ្រើសរើស Android ហើយ​គេ​ក៏​ជោគជ័យ​ជាមួយ​វា​ផងដែរ ប៉ុន្តែ​យើង​មិន​ចង់បាន​អ្វីដែល​ដូច​គេ​នោះទេ ដូច្នេះ​ទើប​សម្រេចចិត្ត​ជ្រើស​រើសយក Windows Phone​។​

​បើទោះបីជា​លោក Elop មិនបាន​បញ្ជាក់ថា ក្រុមហ៊ុន​ដែល​ជោគជ័យ​នឹង Android ជា​ក្រុមហ៊ុន​អ្វី​នោះ ប៉ុន្តែ​គេ​អាច​សន្ម​ត់បា​ន​ថា​គឺជា​ក្រុមហ៊ុន Samsung ព្រោះ Samsung ជោគជ័យ​លើ Android ទាំង​ស្មា​ត​ហ្វូ​ន និង Tablet​។​
​នេះហើយ​ជា​មូលហេតុ​ដែល​ធ្វើ​ឲ្យ​ក្រុមហ៊ុន Nokia ជ្រើសរើស Windows Phone មិន​ជ្រើសរើស Android៕
​