​ប្រភព​ព័ត៌មាន​របស់ Evleaks បាន​ទម្លាយ​ព័ត៌មាន​សារជាថ្មី​ម្តងទៀត​ហើយ នៅ​ថ្ងៃ​ទី ២២ ខែ សីហា ឆ្នាំ ២០១៣ នេះ ជាមួយនឹង​រូបភាព ទូរស័ព្ទ HTC Zara ។​
​ប្រភព​ខាងលើ​បាន​ឲ្យ​ដឹ​ថា ទូរស័ព្ទ ឆ្លាត​វៃ HTC Zara នេះដែរ នឹង​បំពាក់​ជាមួយនឹង Qualcomm MSM 8930 ជាមួយនឹង​ល្បឿន​ដំណើរការ dual-core 1.2 GHz អង្គ​ចងចាំ ១ ជី និង ទំហំ​ក្រាហ្វិក Adreno 305 GPU និង​អង្គ​ចង​ចាំ​បន្ថែម​ពី​ក្រៅ ៨ ជី​បន្ថែមទៀត​។​ចំណែក​កាមេរ៉ា​របស់ HTC Zara មាន​ទំហំ ៨ មេហ្គា​ភិ​ច​សែ​ល ប៉ុន្តែ​សម្រាប់​ទំហំ​វីដេអូ​មិន​ត្រូវ​បាន​លើកឡើង​នោះទេ តែ ទូរស័ព្ទ​នេះ​អាច​ថត​វីដេអូ​យ៉ាង​ពេញដៃ លក្ខណៈ Full HD 1080P ។​ជាមួយនឹង​គ្នា​នេះដែរ ថ្ម​ទូរស័ព្ទ​នេះ អាច​ប្រើប្រាស់​រហូត​ដល់​ទៅ 2100 mAh ។ ប្រព័ន្ធ​ទូរស័ព្ទ HTC Zara វា​ដំណើរការ​ជាមួយនឹង HTC interface Sense 5.5 និង Android OS 4.3 Jelly Bean ។​

​រូបភាព HTC Zara ដែល​បាន​បែកធ្លាយ​ចេញ​នោះដែរ ត្រូវបាន​រៀបចំ​ឡើង​ស្រដៀង​ទៅនឹង HTC One, HTC Desire និង HTC mini 600 dual SIM ។​ចំពោះ​ព័ត៌មាន​នេះដែរ មិន​ត្រូវបាន​ក្រុមហ៊ុន HTC បោះពុម្ពផ្សាយ​ឲ្យដឹងថា នេះ​ជា​រឿង​ប្រាកដប្រជា​ឬក៏​យ៉ាងណា​នោះទេ ៕​