កាលពីក្រុមហ៊ុន Google ធ្វើបទបង្ហាញ Nexus 7 លោកអ្នកប្រហែលជានៅចាំមុខរបស់លោក Hugo Barra ដែលជាអនុប្រធានជាន់ខ្ពស់គ្រប់គ្រងផលិតផល Android ដោយនៅពេលនេះ គាត់បានចាកចេញពី Google ទៅក្រុមហ៊ុន Xiaomi ដែលជាក្រុមហ៊ុនផលិតទូរស័ព្ទរបស់ចិន។
គេមិនបានដឹងថា លោក Barra ទៅធ្វើការនៅក្នុងក្រុមហ៊ុន Xiaomi ក្នុងតំណែងអ្វីនោះទេ ហើយទៅតាមណាដែរ គ្រាន់តែដឹងថា លោក Barra ពិតជាបានលាឈប់មែន ដោយតំណាង Google បានប្រាប់ AllThingsD តាមរយៈអ៊ីមេល។
Xiaomi ជាក្រុមហ៊ុនចិនមួយដែលបង្កើតឡើងកាលពីឆ្នាំ ២០១០ ប៉ុន្តែក្រុមហ៊ុនមួយនេះ បានរីកចម្រើនយ៉ាងខ្លាំង រហូតដល់នាយកប្រតិបត្តិ Xiaomi បាននិយាយថា គាត់យកគំរូតាម Steve Jobs ស្ថាបនិក Apple ហើយថែមទាំងក្រុមហ៊ុនខ្លួនឯងថា “Apple នៃប្រទេសចិនទៀតផង”៕
មតិយោបល់