ការវិនិយោគរបស់ចិនក្នុងការរុករកធនធានធម្មជាតិប្រេង និងឧស្ម័ន ត្រូវបានគេរំពឹងទុកថានឹងចំណាយអស់ប្រមាណជាង ៨០ពាន់លានយន់ ស្មើនឹង ១៣,០៧ពាន់លានដុល្លារអាមេរិក នៅក្នុងឆ្នាំ ២០១៣។ នេះបើយោងតាមក្រសួងដីធ្លី និងធនធាន។
ការវិនិយោគបែបនេះបានការកើនឡើងឥតឈប់ឈរនៅក្នុងប្រទេសចិនក្នុងរយៈពេលប៉ុន្មានឆ្នាំកន្លងទៅនេះ ខណៈដែលប្រទេសចិនចង់ធ្វើការកាត់បន្ថយទៅលើការពឹងអាស្រ័យលើការនាំចូល និងការធានាបាននូវសន្ដិសុខនៃការផ្គត់ផ្គង់ថាមពល។
តួលេខរបស់ក្រសួងដីធ្លី និងធនធានបានបង្ហាញឲ្យដឹងថាប្រាក់ចំណាយលើការរុករកប្រេង និងឧស្ម័នបានកើនឡើងពី ១៩ពាន់លានយន់នៅក្នុងឆ្នាំ ២០០២ រហូតដល់ ៦៧,៣ពាន់លានយន់ក្នុងឆ្នាំ ២០១១។
នៅក្នុងចន្លោះឆ្នាំ ២០០៨-២០១១ មានប្រេងចំនួនជាង ៥ពាន់លានតោន និងឧស្ម័នធម្មជាំតិចំនួន ២,៦ពាន់ពាន់លានម៉ែត្រគូបត្រូវបានរកឃើញ។
គួរបញ្ជាក់ផងដែរថា សហភាពឧស្ម័នអន្តរជាតិ បានរំពឹងទុកថា នៅឆ្នាំ ២០៣៥ ចិននឹងក្លាយជាប្រទេសផលិតឧស្ម័នធម្មជាតិធំជាងគេលំដាប់៣នៅក្នុងពិភពលោក៕
ព័ត៌មានផ្សេងទៀត៖ ចិននឹងក្លាយជាប្រទេសទី៣ដែលផលិតឧស្ម័នធម្មជាតិធំជាងគេ
មតិយោបល់