​កាលពី​ចុង​សប្ដាហ៍​មុន គេ​បាន​ប្រទេស​ឃើញ​គណនី Twitter របស់លោក Tim Cook នាយក​ប្រតិបត្តិ Apple ស្របពេល Apple ដាក់លក់ iPhone 5S និង iPhone 5C ជា​ផ្លូវការ​។​

​សម្រាប់​មនុស្ស​សាមញ្ញ​ប្រហែលជា​មិន​ចាប់អារម្មណ៍​នោះ​ទេ ប៉ុន្តែ​វត្តមាន​របស់ Cook នៅលើ Twitter ពិតជា​បាន​ធ្វើឲ្យ​មហាជន​ជាច្រើន​ចាប់អារម្មណ៍ ព្រោះថា​នេះ​ជាការ​ឈាន​ជើង​ចូល​ប្រើ​បណ្ដាញ​សង្គម Twitter ដំបូង​របស់ Cook​។​

​សារ​ដំបូង​ដែល Cook សរសេរ​នៅលើ Twitter គឺ “Visited Retail Stores in Polo Alto today.Seeing so many happy customers reminds us of why we do what we do”​។ គិត​មក​ត្រឹម​ថ្ងៃ​រសៀល​ថ្ងៃ​ទី​២៣​ខែកញ្ញា​នេះ មាន​អ្នក Followers ចំនួន ២២០.៦៦៤​នាក់ ហើយ​កាលពី​ថ្ងៃ​សុក្រ កន្លងទៅ ក្នុង​មួយ​នាទី​មាន​អ្នក Followers ចំនួន ៥០​នាក់​។​

​ដំបូង​ឡើយ​គេ​បាន​សង្ស័យ​ថា នេះ​ប្រហែលជា​គណនី​ក្លែងក្លាយ ប៉ុន្តែ​នៅពេល​នេះ បណ្ដាញ Twitter បានបញ្ជាក់​ថា នេះ​ជា​គណនី​របស់​លោក Tim Cook ពិតមែន​។​

​គួរ​បញ្ជាក់​ផង​ដែរ​ថា នៅ​អឺរ៉ុប បណ្ដាញ​សង្គម Facebook អាច​មាន​គណនី​ក្លែងក្លាយ ប៉ុន្តែ​សម្រាប់ Twitter វិញ​គឺ​មិន​អាច​នោះទេ និយាយ​ជា​រួម​គឺ​មិន​អាច​មនុស្ស​ម្នាក់​លេង​គ​ណ​នី​ពីរ​-​បី ឬ​ប្រើ​ឈ្មោះ​គេ​ផ្សេង​ដើម្បី​លេង​នោះទេ​៕

​