យោងតាមប្រភពព័ត៌មាន បរទេសនានា ដែលចុះផ្សាយនៅថ្ងៃទី ៦ ខែតុលា ឆ្នាំ ២០១៣ ឲ្យដឹងថា បុរសវ័យក្មេងជាជនជាតិចិនម្នាក់បានស្រវឹងស្រា ហើយបានចូលលួចខោងអាវក្នុងរបស់ស្ត្រីនៅក្នុងហាងមួយកន្លែងនៅក្នុងប្រទេសចិន។
តាមរបាយការណ៍ប៉ូលិសដែលនៅក្នុងតំបន់ Dai Giang ខេត្ត Fuzhou ទីក្រុងស៊ាងហៃ ប្រហែលជាម៉ោង ១០ យប់ពួកគេបានទទួលទូរស្ទព័ពីការចោទប្រកាន់របស់ក្មេងស្រីម្នាក់។ ការរាយការណ៍តាមទូរស្ទព័របស់ក្មេងម្នាក់នោះបាននិយាយថា មានបុរសវ័យក្មេងស្រវឹងស្រាម្នាក់បានមកអុកឡុកនៅកន្លែងធ្វើការរបស់នាង ដោយយកឈុតក្នុងរបស់ស្ត្រីដែលដាក់លក់នៅក្នុងហាងនោះមកស្លៀកពាក់ ដែលធ្វើឲ្យបុគ្គលិកទាំងអស់មានភាពអៀនខ្មាសយ៉ាងខ្លាំង។ បន្ទាប់ពីទទួលបានពាក្យបណ្តឹងនេះប៉ូលិសក៏បានប្រញាប់ទៅហាងនោះ ក៏ឃើញបុរសវ័យក្មេងម្នាក់កំពុងតែស្ថិតនៅក្នុងស្ថានភាពដូចដែលក្មេងស្រីខាងលើបានរៀបរាប់ពិតមែន។ ពេលដែលឃើញប៉ូលិសទៅដល់បុរសម្នាក់នោះបានស្រែកឡើងថា គ្រាន់តែខ្ញុំចង់សាកល្បងស្លៀកពាក់ដូចស្ត្រី ហេតុអ្វីបានជាខ្ញុំធ្វើមិនបាន?
ក្រោយមកគាត់ត្រូវបាននាំទៅស្ថានីយ៍ប៉ូលិសភ្លាមៗដែរ នៅពេលព្រឹកបន្ទាប់ពីគាត់ភ្ញាក់ដឹងខ្លួនឡើង គាត់បានបង្ហាញពីភាពអាម៉ាសយ៉ាងខ្លាំងនូវទង្វើដែលគាត់បានធ្វើកន្លងមក៕
រូបតំណាង
មតិយោបល់