សេអ៊ូល៖( 08/10/13 ) : ទីភ្នាក់ងារស៊ើបអង្កេតរបស់ទីក្រុងសេអ៊ូលបានបញ្ជាក់កាលពីថ្ងៃអង្គារម្សិលមិញនេះថាសាធារណរដ្ឋកូរ៉េខាងជើងបានដំណើរការឡើងវិញនូវម៉ាស៊ីនរ៉េអាក់ទ័រ Yongbyon អស់រយៈពេលប្រមាណជិត 2 ខែហើយ។
ម៉ាស៊ីនរ៉េអាក់ទ័រដែលមានកម្លាំង 5 មេហ្កាវ៉ាត់មានទីតាំងស្ថិតនៅចម្ងាយ 90 គីឡូម៉ែត្រភាគខាងជើងនៃទីក្រុងព្យុងយ៉ាងត្រូវបានគេសង្កេតឃើញថាបានដំណើរការឡើងវិញតាំងពីខែសីហាមកម្ល៉េះ។ទីភ្នាក់ងារស៊ើបការណ៍សម្ងាត់របស់កូរ៉េខាងត្បូងបានធ្វើសេចក្តីរាយការណ៍នេះហើយបានធ្វើឲ្យមានកិច្ចប្រជុំមួយនៅក្នុងសភាជាតិជាមួយនឹងក្រុមប្រឹក្សាច្បាប់លើបញ្ហានេះ។
គួរបញ្ជាក់ផងដែរថាម៉ាស៊ីនរ៉េអាក់ទ័រដែលមានកម្លាំង 5 មេហ្គាវ៉ាត់នេះអាចផលិតជាតិអ៊ុយរ៉ាញ៉ូមបានសម្រាប់ប្រតិបត្តិការផលិតអាវុធនុយក្លេអ៊ែររបស់កូរ៉េខាងជើង។ម៉ាស៊ីនរ៉េអាក់ទ័រYongbyon ធ្លាប់ត្រូវបានផ្អាកដំណើរការចាប់តាំងពីឆ្នាំ 2007 ក្រោយកិច្ចប្រជុំពិភាក្សា 6 ភាគីអន្តរជាតិរួចមក។នៅមិនទាន់មានរបាយការណ៍ឬសេចក្តីឆ្លើយតបណាមួយពីសំណាក់កូរ៉េខាងជើងនៅឡើយ៕
មតិយោបល់