ក្រុមហ៊ុនផលិតរថយន្ត Toyota នៅថ្ងៃទី១៨ខែតុលា ឆ្នាំ ២០១៣ បាននិយាយថា ខ្លួនកំពុងតែប្រមូលរថយន្តប្រមាណ ៨៨៥.០០០គ្រឿងនៅជុំវិញពិភពលោក មកធ្វើការជួសជុល ដោយសារបញ្ហាគ្រឿងបរិក្ខាម៉ាស៊ីនត្រជាក់ដែលអាចបណ្ដាលឲ្យប៉ះពាល់ដល់ពោងសុវត្ថិភាព។
ក្រុមហ៊ុនបាននិយាយថា ម៉ូដែលត្រូវប្រមូលមានដូចជា Camry, Camry Hybrid, Avalon, Avalon Hybrid និង Venza ដែលផលិតសម្រាប់ឆ្នាំ ២០១២-២០១៣។
រថយន្តដែលត្រូវប្រមូលមានច្រើនជាងគេនៅសហរដ្ឋអាមេរិក ដោយមានចំនួន ៨០៣.០០០គ្រឿង នៅមជ្ឈឹមបូព៌ាចំនួន ១៥.០០០គ្រឿង និងនៅអឺរ៉ុបចំនួន ១.៦០០គ្រឿង។
ក្រុមហ៊ុនក៏បានបន្យល់ពីមូលហេតុដែលនាំឲ្យកើតមានបញ្ហាខាងលើផងដែរ ប៉ុន្តែអ្វីដែលសំខាន់នោះគឺថា សម្រាប់ម្ចាស់រថយន្តទាំងអស់ដែលត្រូវប្រមូល នឹងទទួលបានព័ត៌មានតាមរយៈទីភ្នាក់ងារ Toyota៕
មតិយោបល់