យោងតាមគេហទំព័របរទេសមួយបានឲ្យដឹងថា នៅព្រឹកថ្ងៃទី ២១ ខែតុលា ឆ្នាំ ២០១៣មានយុវជនម្នាក់ដែលរស់នៅក្នុងខេត្ត Guangdong ប្រទេសចិន បានឡើងទៅលើបង្គោលដែលមានប៉ូលតងស្យែលខ្ពស់រហូតដល់ ១១០ គឺឡូវ៉ាត់ក្នុងកម្ពស់ ២៤ ម៉ែត្រ។
យុវជនវ័យក្មេងរូបនោះបានចាត់ទុកកំពូលបង្គោលភ្លើងដែលមានប៉ូលតង់ស្យែលខ្ពស់ជាឆាករបស់ខ្លួន ហើយថែមទាំងបានបញ្ចេញកាយវិកាដូចតារាល្បីៗនៅក្នុងបទចម្រៀងថែមទៀត តែបន្តិចក្រោយមកគាត់បានដោះស្បែកជើង ព្រមទាំងអាវយឺតដែលពាក់ជាប់នៅនឹងខ្លួនបោះមកលើដីទុកខ្លួនឲ្យនៅទទេរ។ គាត់ឈរនៅលើបង្គោលភ្លើងរហូតដល់សាច់ញាតិ និងមិត្តភ័ក្តិខំរកមធ្យាបាយដើម្បីពន្យល់ណែនាំគាត់ ៣ ដង ដែលការអនុវត្តនេះត្រូវចំណោយពេលរហូតដល់ទៅ ៥ ម៉ោងទើបអាចនាំគាត់ចុះមកក្រោមវិញដោយសុវត្ថិភព។
តាមការស៊ីបអង្កេតរបស់ប៉ូលិសនៅក្នុងស្រុក Nam Hai បានបញ្ជាក់ថាបច្ចុប្បន្នបុរសវ័យក្មេងរូបនេះត្រូវបានគេនាំទៅមន្ទីពេទ្យដើម្បីព្យាបាល។ ប៉ូលិសសង្ស័យថាគាត់មានជម្ងឺឡប់សតិដែលទាក់ទងទៅនឹងការងាររបស់គាត់គឺដើរទារបំណុល៕
មតិយោបល់