ឥណ្ឌា៖ បើយោងតាមប្រភពព័ត៌មាន Your Jewish News បានឲ្យដឹងថា នេះស្ត្រីវ័យ ២៤ឆ្នាំម្នាក់ត្រូវបានគេរំលោភនៅក្នុងផ្ទះរបស់នាង ដោយជនទំនើងបួនដែលជាមិត្តភក្តិអតីតស្វាមីរបស់នាង។ ហេតុការណ៍នោះបានធ្វើឡើងនៅប្រហែលម៉ោង ១១យប់ នៅក្នុងទីក្រុង Ashok Nagar នៃប្រទេសឥណ្ឌា ខណៈដែលស្ត្រីម្នាក់នេះនៅផ្ទះតែម្នាក់ឯង។
មុនដំបូងពួកគេបានចូលទៅគោះទ្វារផ្ទះរបស់ស្ត្រី ពេលដែលនាងបើកទ្វារមកឃើញមានបុរស់បួននាក់បានសំរុកចូលមកចាប់បង្ខំនាងទាំងកំរោល នេះបើតាមការឲ្យដឹងពីប៉ូលិសប្រចាំនៅតំបន់នោះ។ បន្ទាប់ពីការរំលោភហើយបុរសទាំងបួននាក់នោះបានចេញទៅបាត់ ហើយនាងបានទៅមន្ទីពេទ្យ ជាកន្លែងដែលអះអាងថានាងត្រូវបានគេរំលោភសេពសន្ថវៈ។
ក្រោយពីបានដឹងថានាងត្រូវបានគេចាប់រំលោភ ក្រុមប៉ូលិសក៏បានធ្វើការស៊ើបអង្កេតដើម្បីស្វែងរកជនល្មើសទាំងបួននាក់នោះមកដាក់ទោសតាមផ្លូវច្បាប់។ ស្ត្រីរង់គ្រោះបាននិយាយប្រាប់ប៉ូលិសថា ជនជាប់ចោទទាំងអស់គឺជាមិត្តភ័ករបស់អតីតស្វាមីដើមរបស់នាង ហើយក្នុងកំឡុងពេលស៊ើបអង្កេតប៉ូលិសបានបញ្ជាក់ថាបច្ចុប្បន្ននាងកំពុងតែរស់នៅជាមួយប្តីទីពីររបស់នាង។
នៅក្នុងថ្ងៃកើតហេតុនោះប្តីទីពីររបស់នាងត្រូវធ្វើការវេនយប់ ដូច្នេះគឺមិនបាននៅផ្ទះទេ៕
មតិយោបល់