កាលពីថ្មីៗនេះ មានបុរសម្នាក់ឈ្មោះ Colin Marsh បានទិញ iPad ពី Tesco ដែលជាហាងលក់ទំនិញធំជាងគេនៅអង់គ្លេស ចំនួន ពីរគ្រឿង សម្រាប់ជាកាដូដល់កូនស្រីទាំងពីររបស់គាត់។
នៅពេលមកដល់ផ្ទះ គាត់បានបើកប្រអប់ iPad ឡើងស្រាប់តែឃើញដុំថ្មីចំនួន ៣ដុំនៅក្នុងនោះទៅវិញ ដោយមិនបានឃើញ iPad ឡើយ។ ក្រោយពីជួបរឿងបែបនេះ គាត់ក៏ត្រឡប់ទៅកាន់ហាងនោះវិញ ដើម្បីទាមទារសំណង ប៉ុន្តែត្រូវបានបុគ្គលិកបម្រើការងារបដិសេធមិនផ្ដល់សំណង ព្រមទាំងប្ដឹងប៉ូលិសឲ្យចាប់ខ្លួនថែមទៀតផង។
លោក Marsh មិនត្រូវបានចាប់ខ្លួននោះទេ ប៉ុន្តែត្រូវបានប៉ូលិសហៅទៅសួរចម្លើយ ពាក់ព័ន្ធនឹងរឿងខាងលើ ព្រោះថាតាមរបាយការណ៍របស់ហាង បានបញ្ជាក់ថា iPad នោះត្រូវបាន Activeted ដោយប្រើឈ្មោះរបស់ Marsh ដូច្នេះលោក Marsh ជាជនសង្ស័យ។
មកដល់ពេលនេះ ប៉ូលិសនៅតែស៊ើបអង្កេតរកមូលហេតុមិនទាន់ឃើញនោះទេ ប៉ុន្តែខាងហាង បានផ្ដល់សំណងឲ្យលោក Marsh វិញ តែមិនបានសុំទោសនោះទេ៕
មតិយោបល់