អាមេរិក៖បើយោងតាមប្រភពព័ត៌ yourjewishnews ឲ្យដឹងថា មនុស្សមួយក្រុមត្រូវបានប៉ូលិសចាប់ខ្លួនបន្ទាប់ពីលួចប្រាក់ពីម៉ាស៊ីន ATM បានចំនួន ៤៥ លានដុល្លារ។
FBI បាននិយាយថាមានមនុស្សចំនួនប្រាំមួយនាក់ត្រូវបានចាប់ខ្លួន និងចោទប្រកាន់បទចូលលួចប្រាក់ ៤៥ លានដុល្លារពីធនាគារចំនួនពីរនៅក្នុងមជ្ឈឹមបូព៌ា។ ក្នុងចំណោមចោរទាំងនោះមានប្រុស ៥ នាក់ និងស្រីម្នាក់បានរួមគំនិតគ្នាលួចកាតឥណទាន រួចបាននាំគ្នាលួចដកប្រាក់ជាង ២៨ លានដុល្លារពីម៉ាស៊ីន ATM ចំនួន ១៤០ នៅក្នុងទីក្រុងញ៉ូវយ៉ក។ ក្នុងចំណោមពួកគេមានអ្នកជំនាញ Hackers ចូលលួចទិន្នន័យកាតឥណពន្ធនៃធនាគារជាតិ Ras Al-Khaimah ក្នុងសហរដ្ឋអាមេរិកដែលជាតំបន់ត្រួតត្រារបស់ជនជាតិឥស្លាម និងធនាគារ Muscat ក្នុងរដ្ឋ Oman នៅខែធ្នូ ឆ្នាំ ១០១២ និង ខែកុម្ភៈឆ្នាំ ២០១៣ ។
ពួកគេបានបែកការដោយសារចូលទៅទូទាត់ប្រាក់ដោយប្រើប្រាស់កាតធនាគារពី ហើយលើសពីដែនកំណត់ដែលតម្រូវឲ្យដក។ ក្រុមចោរទាំងនោះបានដកប្រាក់ចំនួន ៥ លានដុល្លារចន្លោះថ្ងៃទី ២១ និង ២២ ខែធ្នូ និង ៤០ លានដុល្លារទៀតស្ថិតនៅចន្លោះថ្ងៃទី ១៩ និង ទី២០ ខែកុម្ភៈ។ ចុងក្រោយក្រុមចោរទាំង ៦ នាក់នោះត្រូវបានប៉ូលិសចាប់ខ្លួននៅកន្លែងផ្សេងពីគ្នា ហើយឈ្មោះរបស់ពួកគេត្រូវបានប៉ូលិសដឹងអស់ហើយដែរ៕
ព័ត៌មានជាតិ
មតិយោបល់