ខ្សែប្រយុទ្ធ Mario Balotelli របស់ក្លិបបាល់ទាត់ AC Milan បានបដិសេធពាកយចចាមអារាមថាខ្លួននឹងចាកចេញពីក្លិប AC Milan ។
ថ្មីៗនេះតាមរបាយការណ៍ព័ត៌មាន ចុងក្រោយនេះបានឲ្យដឹងថា កីឡាករ Balotelli កំពុងសំឡឹងមើលក្លិបថ្មី ខណៈដែលបានចាកចេញពីក្លិបចាស់ Manchester City កាលពីខែ មករាកន្លងទៅនេះ។
ទន្ទឹមជាមួយនឹងគ្នានេះដែរ កីឡាករ Balotelli បានទទូចឲ្យដឹងថា គាត់ពិតជាសប្បាយរីករាយខ្លាំងណាស់ នៅ San Siro ជាមួយនឹងអនាគត់យូរអង្វែងរបស់គាត់។
កីឡាករ Balotelli បានប្រាប់ដល់ សារព័ត៌មាន Sky Sport ឲ្យដឹងថា “ដូចខ្ញុំនិយាយកាលពីមុនចឹង ខ្ញុំមិនបានសំឡឹងមើលក្លិបផ្សេងឡើយ សម្រាប់អនាគត់របស់ខ្លួន” ។ លោកបានបន្ថែមទៀតថា អ្វីដែលខ្លួនគិតនៅពេលនេះ ធ្វើយ៉ាងណាជួយជ្រោមជ្រែងក្លិប ឲ្យរីករាលដាលទៅមុខ ក្នុងចំណោមប្រកួតនានា ដែលកំពុងរងចាំ។
បញ្ជាក់ផងដែរថា កាលពីថ្ងៃសៅរ៍ កន្លងទៅ ក្លិប AC Milan ត្រឹមតែស្មើ ជាមួយនឹង ក្លិប Genoa ក្នុងលទ្ធផល ១-១ ខណៈដែលលទ្ធផលឈ្នះបែរជាបរាជ័យក្រោមថ្វីជើងស៊ុតប៉េណ័លទី របស់ Mario Balotelli ៕
មតិយោបល់