ចិន៖ក្រុមអ្នកវិភាគខាងឧស្សាហកម្មបានទស្សន៍ទាយនៅថ្ងៃព្រហស្បតិ៍ម្សិលមិញនេះថាប្រទេសចិនទំនងជាបង្កើនតម្លៃប្រេងចម្រាញ់។
តាមការទស្សន៍ទាយបានបង្ហាញថា តម្លៃប្រេងចម្រាញ់អាចនឹងកើនឡើង ១០០យន់(ប្រហែល ១៦ដុល្លារអាមេរិក)ក្នុងមួយតោន។ “យើងរំពឹងថានឹងមានការកែសម្រួលនៃតម្លៃប្រេងចម្រាញ់ទៅជាង ១០០យន់ក្នុងមួយតោន ដែលនឹងបង្កើនតម្លៃលក់រាយនៃប្រេងសាំង”។ នេះបើយោងតាមសម្ដីរបស់លោក Li Hong អ្នកវិភាកខាងឧស្សហកម្ម។
លោក Zhang Bin អ្នកវិភាគមកពីស្ថាប័ន Zhuo Chuang Information បានបន្ថែមថា បើទោះបីជាតម្លៃប្រេងអន្តរជាតិបានធ្លាក់ចុះកាលពីថ្មីៗនេះក្ដី ក៏ការផ្គត់ផ្គង់ប្រេងម៉ាស៊ូត ប្រេងសាំងនៅកន្លែងលក់រាយនៅក្នុងទីផ្សារក្នុងស្រុកកើនឡើង។
តាមការព្យាករក៏បានបង្ហាញថា តម្លៃប្រេងលក់រាយនៃប្រេងម៉ាស៊ូត និងប្រេងសាំងក៏កើនឡើងដូចគ្នាទៅតាមតម្លៃប្រេងចម្រាញ់ផងដែរ។គណៈកម្មការអភិវឌ្ឍន៍ និងកំណែទម្រង់ជាតិបានណែនាំយន្តការតម្លៃប្រេងថ្មីមួយនៅក្នុងខែមីនា ដើម្បីជំរុញតម្លៃទីផ្សារក្នុងការតម្រង់ទិសសម្រាប់ធនធានថាមពល និងជួយឲ្យប្រទេសចិនល្អប្រសើរជាងមុន សម្រាប់ការប្រើប្រាស់ធនធានក្នុងស្រុក និងផ្គត់ផ្គង់ទៅក្រៅប្រទេស៕
មតិយោបល់