មនុស្ស 8 នាក់ត្រូវបានរាយការណ៍ថាបានស្លាប់នៅទូទាំងតំបន់អ៊ឺរ៉ុបក្រោយព្យុះមួយបានវាយប្រហារដោយបង្កទៅជាខ្យល់ទឹកជំនន់និងទឹកជំនន់នៅតំបន់មួយចំនួនផង។
គេជឿជាក់ថាចក្រភពអង់គ្លេសជាអ្នកទទួលរងការប៉ះពាល់ខ្លាំងជាងគេដោយខ្យល់ព្យុះដែលមានឈ្មោះ Xaver ។ភ្លាមៗនៅតាមតំបន់ឆ្នេរភាគខាងលិចនៃប្រទេសអង់គ្លេសត្រូវបានប្រកាសឲ្យមានការភៀសខ្លួន។ផ្ទះនិងទ្រព្យសម្បតិ្តប្រហែលជាជិតមួយពាន់ខ្នងត្រូវបានលេបត្របាក់ដោយទឹកជំនន់ហើយនៅតំបន់ខ្លះទៀតក៏ទទួលរងនូវការគម្រាមកំហែងខ្លាំងដែរ។
នៅឯប្រទេសស្កុតឡែនវិញខ្សែរថភ្លើងជាច្រើនត្រូវបានបញ្ជាឲ្យផ្អាកហើយជើងយន្តហោះរាប់សិបខ្សែក៏ត្រូវបានប្រកាសបិទជាបណ្តោះអាសន្នផ្លូវHighway ធំៗជាច្រើនត្រូវបានកាត់ផ្តាច់ហើយតំបន់និងរោងចក្រជាច្រើនដែលមានបញ្ហាខ្វះភ្លើងអគ្គិសនី។
ទីក្រុងផែសមុទ្ររបស់អាល្លឺម៉ង់ Hamburg ក៏បានទទួលរងនូវឥទិ្ធពលនៃខ្យល់ព្យុះមួយនេះដែរដោយកំពស់នៃទន្លេ Elbe បានកើនឡើងដល់ទៅ 6 ម៉ែត្រលើសពីកំពស់ទឹកធម្មតាហើយហាងនានាសាលារៀនស្ទើរគ្រប់ទីកន្លែងក្នុងក្រុងក៏ត្រូវបានផ្អាកផងដែរ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់