សហគមន៍អឺរ៉ុបបានប្រកាសផ្ដល់ ជំនួយជិត៧០០លានអឺរ៉ូដល់មីយ៉ាន់ម៉ា ក្នុងរយៈពេល៧ឆ្នាំខាងមុខក្នុងការជួយ ដល់ដំណាក់កាលផ្លាស់ប្ដូរនយោបាយ ការដឹកនាំឆ្ពោះទៅរកប្រជាធិបតេយ្យ ប្រកបដោយប្រសិទ្ធភាព ។អឺរ៉ុបបានសម្រេចផ្ដល់ជំនួយដល់ មីយ៉ាន់ម៉ាសរុប៦៨៨លានអឺរ៉ូ ស្មើ ៩០០លានដុល្លារអាមេរិកចាប់ពីឆ្នាំ ២០១៤ដល់ឆ្នាំ២០២០ ក្នុងការជំរុញឱ្យ មានសិទ្ធិសេរីភាពបញ្ចេញមតិ សេរី ភាពសារព័ត៌មាន គោរពសិទ្ធិមនុស្ស ក៏ ដូចជាដំណាក់កាលផ្លាស់ប្ដូរអំណាច ប្រព្រឹត្ដទៅដោយសន្ដិភាព ។
នៅក្នុងការប្រកាសគណៈកម្មាធិការ អឺរ៉ុបបានបញ្ជាក់ថា ទឹកប្រាក់ខាងលើនឹង ជួយដល់មីយ៉ាន់ម៉ាអភិវឌ្ឍន៍ដល់វិស័យ ឧស្សាហកម្មបង្កើនការផ្ដល់របបអាហារូ បត្ថម្ភដល់ប្រជាពលរដ្ឋ ជំនួយវិស័យ អប់រំ កែទម្រង់ប្រព័ន្ធគ្រប់គ្រងរបស់រដ្ឋ ក៏ដូចជាជំរុញឱ្យមានការគោរពច្បាប់ឱ្យ បានប្រសើរនៅក្នុងប្រទេសនេះ ។
សារព័ត៌មាន AFP បានផ្សព្វផ្សាយ ថា មីយ៉ាន់ម៉ាជាប្រទេស្ថិតក្រោមការ គ្រប់គ្រងដោយរដ្ឋាភិបាលយោធាតាំងពី ឆ្នាំ១៩៦២ ហើយត្រូវសហគមន៍អន្ដរ ជាតិវាយតម្លៃថាជាប្រទេសមួយស្ថិត នៅឯកោ ។ ប៉ុន្ដែក្នុងរយៈពេល៣ឆ្នាំ កន្លងមកនេះ មីយ៉ាន់ម៉ាបានផ្លាស់ប្ដូរជា ទ្រង់ទ្រាយធំ ធ្វើឱ្យសហគមន៍អន្ដរជាតិ ស្ងើចសរសើរយ៉ាងខ្លាំង ។ ការកែទម្រង់ នោះធ្វើឱ្យប្រទេសនេះរួចផុតពីការដាក់ ទណ្ឌកម្មរបស់សហគមន៍អន្ដរជាតិ និង បង្កើនការជំនួយវិនិយោគជាច្រើនដល់ មីយ៉ាន់ម៉ាទៀតផង ។
ការផ្ដល់ជំនួយរបស់សហគមន៍អឺរ៉ុប ក្រោយពេលប្រធានាធិបតីអាមេរិក លោកបារ៉ាក់ អូបាម៉ា ប្រកាសពីការ ព្រួយបារម្ភនៅដំណាក់កាលផ្លាស់ប្ដូរ អំណាចក្នុងប្រទេសមីយ៉ាន់ម៉ាអាចនឹង ដើរថយក្រោយ ពិសេសគឺបញ្ហាសិទ្ធិ មនុស្ស និងសេរីភាពសារព័ត៌មានធ្លាក់ ចុះ បើសហគមន៍អន្ដរជាតិមិនផ្ដោត ការយកចិត្ដទុកដាក់ទេនោះ៕
មតិយោបល់