ទីក្រុងមូស្គូ (09/12/13) ៖លោកប្រធានាធិបតីពូទីនកាលពីថ្ងៃច័ន្ទនេះបានសម្រេចដាក់សេចក្តីពង្រាងច្បាប់ថ្មីស្តីពីការលើកលែងទោសឲ្យទៅសភាក្នុងការធ្វើអនុម័ត។ការដាក់ចេញនូវសេចក្តីព្រាងច្បាប់មួយនេះគឺស្ថិតនៅក្នុងឧិកាសនៃពិធីគម្រប់ខួបលើកទី 20 នៃរដ្ឋធម្មនុញ្ញជាតិរបស់ប្រទេសរូស្ស៊ីនៅថ្ងៃទី 12 ខែធ្នូនេះហើយ។
យោងទៅតាមសេចក្តីព្រាងច្បាប់ដែលបានបកស្រាយស្តីពីការលើកលែងទោសទៅលើមនុស្សដែលមានអាយុតិចជាង 16 ឆ្នាមនុស្សស្រីដែលមានកូននៅក្នុងបន្ទុកឬច្រើនជាង 55 ឆ្នាំមនុស្សប្រុសដែលមានអាយុលើសពី 60 ឆ្នាំមនុស្សពិការអ្នកដែលធ្លាប់ធ្វើការជាប៉ូលីសនិងអ្នកដែលធ្លាប់បំពេញភារកិច្ចជាកងទាហានផងដែរហើយច្បាប់នេះនឹងលើកលែងទោសចំពោះជនទាំងនោះបើសិនជាពួកគេនៅសល់ទោសក្រោម 5 ឆ្នាំ។
សេចក្តីព្រាងច្បាប់របស់លោកប្រធានាធិបតីរូស្ស៊ីដែលបានធ្វើឡើងដោយ Mikhaiil Fedotvo ប្រធានក្រុមប្រឹក្សាសិទ្ធិមនុស្សនៃប្រទេសរូស្ស៊ីហើយនៅក្នុងឯកសារនៃច្បាប់នេះនឹងត្រូវអនុញ្ញាតិឲ្យលើកលែងទោសដល់មនុស្ស 100,000 នាក់នៅក្នុងឱកាសនៃគម្រប់ខួបលើកទី 20 នៃរដ្ឋធម្មនុញ្ញជាតិ៕
មតិយោបល់