ទីក្រុងបាងកក ៖យោងតាមប្រភពព័ត៌មានពីទីភ្នាក់ងារសារព័ត៌មានស៊ិនហួរបានឲ្យដឹងថាមេដឹកនាំក្រុមបាតុករប្រឆាំងនឹងរដ្ឋាភិបាលអ្នកស្រីយីងឡាក់លោកស៊ូថេបកាលពីយប់ថ្ងៃអង្គារម្សិលមិញនេះបានប្រកាសកោះហៅក្រុមបាតុករសារជាថ្មីក្នុងការប្រមូលផ្តុំគ្នាម្តងទៀតហើយធំជាងមុនដើម្បីធ្វើការតវ៉ាប្រឆាំងបន្ថែមទៀតនៅថ្ងៃអាទិត្យសប្តាហ៍នេះ។
ការកោះហៅនេះគឺក្នុងគោលបំណងកោះហៅក្រុមបាតុករដើម្បីធ្វើការតវ៉ាទាមទារឲ្យមានការចុះចេញពីតំណែងនៃអ្នកស្រីនាយករដ្ឋមន្ត្រីដែលទើបតែបានរំលាយរដ្ឋសភាក្នុងការបោះឆ្នោតសារជាថ្មីហើយលោកស៊ូថេបបានបន្ថែមទៀតថាលោកអាចនឹងចាប់ផ្តើមធ្វើបាតុកម្មនៅថ្ងៃព្រហស្បតិ៍ឬថ្ងៃសុក្រសិន។
នៅក្នុងសេចក្តីឆ្លើយតបមួយរបស់អ្នកស្រីយីងឡាក់បានបញ្ជាក់ថាអ្នកស្រីនឹងនៅតែបន្តកាន់តំណែងនាយករដ្ឋមន្ត្រីរហូតដល់កាលបោះឆ្នោតដែលប្រព្រឹត្តទៅនាថ្ងៃទី 2 កុម្ភៈបានបញ្ចប់និងជ្រើសបានបេក្ខជននាយករដ្ឋមន្ត្រីថ្មី។
គួរបញ្ជាក់ថាគណៈកម្មាការកំណែទម្រង់ប្រជាធិបតេយ្យ People’s Democratic Reform Committee(PDRC) ដែលមានលោកស៊ូថេបជាអគ្គលេខាធិការនោះបានស្នើរសុំឲ្យគណៈកម្មាការរៀបចំការបោះឆ្នោតធ្វើការពន្យាពេលបោះឆ្នោតនៅពេលដែលមិនទាន់មានការសម្រេចចិត្តណាមួយលើការពន្យាពេលនៅឡើយ៕
មតិយោបល់