ប្រាក់ចំណូលនាំចេញរបស់ប្រទេសវៀតណាមទៅកាន់សមាគមប្រជាជាតិអាស៊ីអាគ្នេហ៍(អាស៊ាន)ត្រូវបានគេរំពឹងថានឹងកើនឡើងដល់ ៣៥ពាន់លានដុល្លារអាមេរិកនៅក្នុងឆ្នាំ ២០១៣។ នេះបើយោងតាមរបាយការណ៍ផ្លូវការចេញផ្សាយកាលពីថ្ងៃព្រហស្បតិ៍ម្សិលមិញ។
នៅក្នុងអំឡុងពេលសន្និសីទស្ដីពីការស្វែងរកឱកាសអាជីវកម្មសម្រាប់សហគ្រាសវៀតណាមទៅកាន់ទីផ្សារអាស៊ាន លោក Le Hoang Oanh អនុប្រធាននៃនាយកដ្ឋានជំរុញពាណិជ្ជកម្មនៃក្រសួងពាណិជ្ជកម្ម និងឧស្សាហកម្មបានឲ្យដឹងថា ប្រាក់ចំណូលការនាំចូលរបស់ប្រទេសវៀតណាមពីអាស៊ានត្រូវបានគេរំពឹងថានឹងកើនឡើងដល់ ៤០ពាន់លានដុល្លារអាមេរិកនៅក្នុងឆ្នាំ ២០១៣។
ទោះជាយ៉ាងណា ចំណូលពាណិជ្ជកម្មរៀតណាម-អាស៊ាននៅតែមានកម្រិត បើប្រៀបធៀបទៅនឹងសក្ដានុពលភាគីទាំងពីរដោយសារតែការខ្វះពន្ធ និងព័ត៌មានពន្ធនៅក្នុងចំណោមអាជីវកម្ម។
ការនាំចេញដ៏សំខាន់របស់វៀតណាម-អាស៊ាន រួមមាន អង្ករ ប្រេងឆៅ ប្រេងសាំង ដែក គ្រឿងទូរស័ព្ទ ជាដើម។ នេះបើយោងតាមសេចក្ដីរាយការណ៍ដែលបានចេញផ្សាយនៅក្នុងសន្និសីទ។
នៅក្នុងសន្និសីទ អ្នកជំនាញមកពីក្រសួងពាណិជ្ជកម្ម វិស័យពាណិជ្ជកម្ម និងជំនួញ បានពិភាក្សាគ្នាអំពីវិធានការដើម្បីទាញយកប្រយោជន៍ពីទីផ្សារអាស៊ានបន្ថែមទៀត។
អាស៊ានគឺជាទីផ្សារដ៏ល្អនៃការនាំចេញធំជាងគេលំដាប់ទី៣របស់ប្រទេសវៀតណាម បន្ទាប់ពីសហរដ្ឋអាមេរិក សហភាពអឺរ៉ុប៕
មតិយោបល់