ស្ទើតែបាត់បង់ក្រុមហ៊ុន នៅពេលនេះ BlackBerry បានផ្លាស់ប្ដូរទស្សនវិស័យរបស់ខ្លួនក្នុងការផលិតស្មាតហ្វូន ក៏ដូចជាយុទ្ធសាស្ត្រថ្មីសម្រាប់ស្រោចស្រង់ទីផ្សារ និងស្ដាមុខមាត់ឡើងវិញ។
កាលពីថ្មីៗនេះ លោក John Chen នាយកប្រតិបត្តិថ្មីរបស់ BlackBerry ដែលទើបតែឡើងកាន់តំណែងមិនទាន់បានប៉ុន្មានខែនោះ ចាប់ផ្ដើមបញ្ចេញស្មាដៃ ដោយបានសហការជាមួយនឹងក្រុមហ៊ុន Foxconn ដែលត្រូវបានគេស្គាល់ថាជាអ្នកផ្គត់ផ្គង់ធំបំផុតរបស់ Apple ក្នុងការផលិតស្មាតហ្វូនតម្លៃមធ្យម និងទាប។
លោក Chen បានយល់ឃើញថា ពេលវេលានៃការផ្លាស់ប្ដូរបានមកដល់ នៅពេលនេះ BlackBerry គួរតែផលិតនូវអ្វីដែលជាទីចាប់អារម្មណ៍របស់អ្នកប្រើ ហើយក៏ត្រូវគិតជាលទ្ធិភាព និងកម្រិតរវាងអ្នកប្រើប្រាស់ផងដែរ។
ក្រុមអ្នកវិភាគបានលើកឡើងថា បើសិនជា BlackBerry ងាកមកផលិតស្មាតហ្វូនដែលមានតម្លៃមធ្យមវិញនោះ ទីផ្សារស្មាតហ្វូនរបស់ BlackBerry ប្រហែលជានឹងអាចកើនឡើងវិញ ព្រោះថាភាពល្បីល្បាញរបស់ BlackBerry នៅមិនទាន់សាបសូន្យនោះទេ៕
មតិយោបល់