ក្រុមហ៊ុនផលិតរថយន្តរបស់កូរ៉េខាងត្បូង Hyundai Motor Co និង Kia Motor Corp បានឲ្យដឹងនៅថ្ងៃនេះថា ពួកគេនឹងលក់រថយន្តឲ្យបានច្រើនជាង ៧,៥លានគ្រឿងនៅជុំវិញពិភពលោកក្នុងឆ្នាំនេះ ដែលជាគោលដៅខ្ពស់ជាងការរំពឹងទុកកាលពីដើមឆ្នាំ ៧,៤១លានគ្រឿង។
Hyundai និង Kia ដែលកំពុងតែស្ថិតនៅក្នុងលំដាប់ក្រុមហ៊ុនលក់រថយន្តធំទី៥ រំពឹងថាការលក់រថយន្តហាក់លំបាក់បន្ដិចនៅឆ្នាំ ២០១៤ ដោយសារតែគូរប្រជែងមកពីប្រទេសជប៉ុន និងតំបន់អឺរ៉ុបត្រូវបានគេមើលឃើញថាមានសន្ទុះយ៉ាងខ្លាំង។
ក្រុមហ៊ុនផលិតរថយន្តកូរ៉េ និងអាល្លឺម៉ង់បានព្យាករថាការលក់រថយន្តនឹងកើនឡើងខ្ពស់នៅឆ្នាំក្រោយ ហើយទីផ្សារក្នុងស្រុកកំណើតក៏អាចនឹងកើនឡើងផងដែរ ដោយសារតែកិច្ចព្រមព្រៀងពាណិជ្ជកម្មសេរី។
ក្រុមហ៊ុន Hyundai និង Kia បាននិយាយថា ការលក់នៅចន្លោះខែមករា-វិច្ឆិកា បានកើនឡើង ៦ភាគរយ ស្មើនឹង ៦,៩លានគ្រឿង។ កាលពីឆ្នាំមុន Hyundai និង Kia លក់រថយន្តបានចំនួន ៧,១លានគ្រឿង៕
មតិយោបល់