បើទោះបីជាក្រុមហ៊ុនផលិតទូរស័ព្ទកាណាដា BlackBerry កំពុងជួបវិបត្តិហិរញ្ញវត្ថុយ៉ាងធ្ងន់ធ្ងរក្ដី ក៏នៅមានអតិថិជនដ៏ស្មោះស្ម័គ្រមួយរូបគឺលោកប្រធានាធិបតីអាមេរិក បារ៉ាក់ អូបាម៉ា។
នៅក្នុងវេទិកាមួយកាលពីថ្មីៗនេះ លោកប្រធានាធិបតី បាននិយាយថា លោកពុំត្រូវបានអនុញ្ញាតឲ្យប្រើប្រាស់នូវទូរស័ព្ទដៃ iPhone របស់ក្រុមហ៊ុន Apple នោះទេ ដោយហេតុពុំសូវមានសុវត្ថិភាព។ បើទោះបីជាលោក អូបាម៉ា ពុំត្រូវបានអនុញ្ញាតិឲ្យប្រើ iPhone ក្ដី ប៉ុន្តែលោកត្រូវបានសម្គាល់ឃើញត្រូវអនុញ្ញាតឲ្យប្រើ iPad និង Mac ជាពិសេសនោះគឺកូនស្រីរបស់លោកទាំងពីរនាក់ក៏ប្រើ iPhone ផងដែរ។
លោកប្រធានាធិបតីបានថ្លែងថា បច្ចុប្បន្នលោកប្រើប្រាស់ទូរស័ព្ទដៃរបស់ក្រុមហ៊ុន BlackBerry ដើម្បីសុវត្ថិភាពខ្ពស់។
គួរបញ្ជាក់ផងដែរថា អតីតសមាជិកទីភ្នាក់ងារសន្ដិសុខជាតិអាមេរិក លោក Edward Snowden បាននិយាយថា ក្រុមហ៊ុនផលិតទូរស័ព្ទដៃធំៗបានចូលដៃជាមួយនឹង ទីភ្នាក់ងារសន្ដិសុខជាតិអាមេរិក ក្នុងការផ្ដល់នូវព័ត៌មានអតិថិជន ប៉ុន្តែព័ត៌មាននេះត្រូវបានខាងក្រុមហ៊ុនច្រានចោល៕
មតិយោបល់