ទីក្រុងប៉េកាំង៖ប៉ូលិស FBI បានចេញមកប្រកាសកាលពីថ្ងៃអង្គារម្សិលមិញថាខ្លួនបានចាប់បានជនសង្ស័យម្នាក់ដែលស្ថិតនៅពីក្រោយហេតុការណ៍ឆាបឆេះអគារស្ថានកុងស៊ុលចិនប្រចាំនៅរដ្ឋ Los Angeles កាលពីថ្ងៃពុធសប្តាហ៍មុនដែលបានធ្វើឲ្យភាគីចិនមានការអន់ចិត្តផងដែរនោះចំពោះសុខសុវត្ថិភាពរបស់បុគ្គលិករបស់ខ្លួន។
នៅក្នុងសន្និសិតកាសែតមួយដែលបានរៀបចំដោយ FBI បានបញ្ជាក់ពីអត្តសញ្ញាណរបស់ជនសង្ស័យដែលមានសញ្ជាតិតជាជនជាតិចិនមានឈ្មោះ Yan Feng អាយុ 39 ឆ្នាំដែលមានទីលំនៅរស់នៅក្នុងសហរដ្ឋអាមេរិក។គាត់បានចូលខ្លួនមកសារភាពដោយខ្លួនឯងនៅស្ថានីយប៉ូលិសក្នុងស្រុកកាលពីល្ងាចថ្ងៃសុក្រហើយបន្ទាប់មកគាត់ត្រូវបានគេចោទទោសចំនួន 2 ករណីដោយការបំផ្លិចបំផ្លាញអគាររដ្ឋាភិបាលបរទេសនិងបទបង្កអគ្គិភ័យ។
FBI មិនបញ្ជាក់ពីមូលហេតុដែលជម្រុញឲ្យមានការប្រព្រឹតិ្តបែបនេះចំពោះជនល្មើសរូបនេះឡើយប៉ុន្តែខ្លួនបានបញ្ជាក់ថាវាមិនមែនក្នុងករណីភេវរកម្មណាមួយឡើយ៕
មតិយោបល់