របបអាហារ និងការទទួលទានដំណេកគ្រប់គ្រាន់គឺបានជួយបង្កើនបញ្ញារបស់អ្នកឲ្យកាន់តែឆ្លាតវៃ។ បន្ថែមពីលើនេះ នៅមានទម្លាប់មួយចំនួនទៀតដែលអ្នកបានធ្វើវាប្រចាំថ្ងៃក៏ជួយឲ្យបញ្ញាកើនឡើងផងដែរ។ នៅពេលនេះ ដំណឹង សូមបង្ហាញជូននូវចំណុច ១២យ៉ាង ដែលជួយបង្កើតសមត្ថភាពបញ្ញាឲ្យកាន់តែឆ្លាតវៃ៖
១. ជជែកគ្នាជានិច្ចកាល តែកុំវែងពេក កុំរំខានមិត្តរបស់អ្នក
២. និទានរឿង ឬនិយាយរឿងកំប្លែងសើចលេងដោយកម្រ (បើនិយាយត្រូវឲ្យខ្លី)
៣. មិននិយាយបញ្ចើចបញ្ចើរឲ្យគេតបមកខ្លួនវិញ
៤. ជៀសវាងការនិយាយខ្សិប ក្នុងចំណោមមនុស្សម្នា
៥. ជៀសវាងការនិយាយពីខ្លូនឯង
៦. ត្រូវហ៊ានទទួលស្គាល់ការពិត និងបើកចិត្តឲ្យទូលាយ នៅពេលដែលពាក្យសំដីមិនប្រយ័ត្នប្រយែងមួយចំនួនត្រូវបានគេប្រើ ដើម្បីលើកគុណសម្បត្តិនរណាម្នាក់ តែបានប៉ះពាល់ដល់រូបអ្នក
៧. ពេលនិយាយជាមួយនរណាម្នាក់ត្រូវសំលឹងមុខគេ ដើម្បីឲ្យដឹងថាគេយល់ស្របឬអត់
៨. កុំនិយាយ ឬស្តាប់ “ពាក្យនិន្ទា” និង “រឿងអាស្រូវ”
៩. កុំធ្វើត្រាប់គេ ព្រោះអ្នកដែលត្រូវគេធ្វើត្រាប់តាម រមែងអាម៉ាស់មុខជាធម្មតា ហើយគេមិនដែលភ្លេចទេនូវភាពអាម៉ាស់នេះ
១០. កុំពោលពាក្យគំរោះគំរើយដោយស្រែក ឬសំលុតខ្លាំងៗ។ ពាក្យអាក្រក់ៗ នឹងលេចចេញដោយមិនដឹងខ្លួន ហើយភាពកោងកាច ក៏នឹងកើតឡើងបន្ថែមទៀត
១១. ការសើចលឺៗ ជាភាពរីករាយសម្រាប់មនុស្សល្ងង់ ឥតសណ្តាប់ធ្នាប់ប៉ុណ្ណោះ អ្នកដែលមានសីលធម៌ល្អ គេគ្រាន់តែញញឹមតែមិនដែលសើចឡើយ
១២. អ្វីដែលអ្នកនិយាយ ចូរនិយាយឲច្បាស់ ឲសមរម្យ និងប្រកបដោយ ស្នាមញញឹម៕
មតិយោបល់