យើងសង្កេតឃើញថា ក្រុមហ៊ុនបច្ចេកវិទ្យាធំៗដូចជា Google, Microsoft, Apple, Yahoo និង Facebook ជាដើម តែងតែព្យាយាមទិញកូនក្រុមហ៊ុនតូច និងធ្វើការវិនិយោគ ដើម្បីពង្រីកទីផ្សារ ក៏ដូចជាឥទ្ធិពលរបស់ខ្លួន។
តើលោកអ្នកដឹងទេថា ពេញមួយឆ្នាំ ២០១៣ កន្លងទៅនេះ ក្រុមហ៊ុន Google បានធ្វើអ្វីខ្លះ?
មករា៖ ក្រុមហ៊ុន Google បានចំណាយលុយ ២០០លានដុល្លារអាមេរិកសម្រាប់ពង្រីកថាមពលបន្ថែមនៅរដ្ឋតិចសាស។
កុម្ភ៖ ក្រុមហ៊ុន Google បានបង្ហាញ Chromebook Pixel ដែលជាកុំព្យូទ័រយូរដៃថ្មីរបស់ខ្លួន។
មេសា៖ ក្រុមហ៊ុន Google បង្ហាញកម្មវិធី Google Now សម្រាប់ iPhone និង iPad។
ឧសភា៖ ក្រុមហ៊ុន Google បង្ហាញ Google Play Music All Access ដែលជាសេវាកម្មមន្ត្រីថ្មីមួយសម្រាប់ឲ្យអ្នកប្រើប្រាស់ចុះឈ្មោះប្រើប្រាស់ប្រចាំខែ ដែលមានចម្រៀងរាប់លានបទ។ ក្នុងខែនេះ ក្រុមហ៊ុន Google ក៏បានបង្ហាញ Google+ Photo សម្រាប់ប្រើជាមួយ Hangouts។ លើសពីនេះក្រុមហ៊ុន Google ក៏ធ្វើការ Update ទៅលើ Inbox របស់ Gmail ផងដែរ។
មិថុនា៖ ក្រុមហ៊ុន Google បានទិញក្រុមហ៊ុន Waze។
កក្ដដា៖ ក្រុមហ៊ុនណែនាំ Google Maps ថ្មី ដល់អ្នកប្រើ ព្រមទាំងបាន Update សម្រាប់ស្មាតហ្វូន និង Tablet។ ជាពិសេសបានបង្ហាញ Chromecast ដែលជាឧបករណ៍ម្យ៉ាងសម្រាប់ប្រើជាមួយទូរស័ព្ទ កុំព្យូទ័រ និង Tablet សម្រាប់ប្រើទៅលើការកម្សាន្តផ្សេងៗតាមអនឡាញ និងនៅចុងខែក្រុមហ៊ុនបានសហការជាមួយ Starbucks សម្រាប់ផ្ដល់ជួននូវល្បឿនអ៊ីនធើណែតដែលល្បឿនដល់អតិថិជនរបស់ Starbucks គ្រប់ហាងទាំងអស់នៅអាមេរិក។
កញ្ញា៖ ក្រុមហ៊ុនប្រកាសបង្ហាញថា ចំនួនអ្នកប្រើ Android បានកើនឡើងដល់ ១ពាន់លាន។៕
មតិយោបល់