ក្លិបកាំភ្លើងធំ បានឡើងទៅទៅគ្រប់គ្រងតារាងក្នុងក្របខណ្ឌ Premier League សារជាថ្មីម្តងទៀតហើយ បន្ទាប់ពី កីឡាករ Alex Oxlade-Chamberlain បានរកគ្រាប់បាល់ ពីរគ្រាប់ជាប់គ្នា ជួយឲ្យ កាំភ្លើងធម ឈ្នះ Crystal Palace ក្នុងលទ្ធផល ២-០ កាលពីរាត្រីយប់មិញនេះ។
កីឡាករវ័យ ២០ ឆ្នាំ របស់អង់គ្លេស លេងក្នុងមុខងារខ្សែបម្រើ ៥ ខែទៅហើយ ដែលចាកចេញពី ទីលានប្រកួត ដោយសារតែបញ្ហារបួស យ៉ាងធ្ងន់ធ្ងរ នៅត្រង់ចំណុចជង្គង់ និងទទួលការវះកាត់ ។
ក្រោយពីជាសះស្បើយ បង្ហាញខ្លួននារាត្រីយប់មិញ បានជួយឲ្យកាំភ្លើងធំ Arsenal មាន ២ ពិន្ទុ លើសក្លិប មេឃខៀវ Manchester City ខណៈដែល គូប្រជែងដ៏ខ្លាំងក្លា តោខៀវនៅ លំដាប់ទី ៣ ដោយមិនទាន់ប្រកួត ក្នុងជុំទី ២៤ ដូចទៅនឹង មេឃខៀវដែរនោះ។
សូមបញ្ជាក់ផងដែរថា ក្លិប កាំភ្លើងធំ ទើបតែខ្ចី កីឡាករ Kim Kallstrom សញ្ជាតិស៊ុយអ៊ែត ពីក្លិប Spart Moscow លេងក្នុងមុខងារ ជាខ្សែបម្រើ កាលពីរាត្រីថ្ងៃសុក កៀកនិងទីផ្សារបិទ ។
ដោយឡែកក្នុងរាត្រីជាមួយនឹងគ្នានោះដែរ ក្លិប ហង្សក្រហម បានធ្វើដំណើរទៅសួរសុខទុក្ខ ក្លិប West Bromwich Albion ដោយបានត្រឹមតែស្មើ ១-១ ហើយក៏ជាលទ្ធផល ដែលធ្វើឲ្យខ្លួនក្រោកពីលេខរៀងទី ៤ មិនរួច ក្នុងតារាង ដោយមាន ៤៧ ពិន្ទុ ក្នុងចំណោម ២៤ ប្រកួត ៕
ទស្សនាវីដេអូឃ្លិបដូចខាងក្រោមនេះ ៖
មតិយោបល់