គង់ ចាន់រដ្ឋា តារាចម្រៀងប្រចាំផលិតកម្ម Diamond Music មួយរយៈចុងក្រោយមកនេះ គេឃើញរំដួលដូរដី ពីទឹកដីអង្គរមកកាន់ភ្នំពេញ ពិតជាជោគលើសពីការរំពឹងទុក ដោយរវល់ស្អេកស្កះនឹងការងារ សិល្បៈ ទាំងការថតស្ពត ចម្រៀង និងជាពិសេស រវល់ចម្រៀងតាមបណ្តា Concert ធំ នានាក្នុងរាជធានីភ្នំពេញ។
លើសពីភាពជោគជ័យប៉ុន្មានខាងលើ ស្រីស្រស់ សម្បុរស្រអែម សម្តីពិរោះ រាក់ទាក់ទន់ភ្លន់ គង់ ចាន់រដ្ឋា កំពុងតែក្តោបបានតំណែងជាតួឯកខ្មោចក្នុងរឿង “អស់ទាស់ហ្មង់! ទីតា ” ដែលជារឿងគ្រប់គ្រងការផលិតដោយផលិតកម្ម រ៉ក និងដឹកនាំសម្តែងដោយ អ្នកដឹកនាំវ័យក្មេង លោក វ៉ាត លីម៉េង ។
ទន្ទឹមជាមួយនឹងភាពជោគជ័យនេះដែរ ស្រាប់តែពេលថ្មីៗនេះដែរ នៅលើបណ្តាញទំនាក់ទំនងសង្គមហ្វេសប៊ុក ស្រាប់តែលេចចេញវិដេអូឃ្លិប ស្រីស្រស់ គង់ ចាន់រដ្ឋា ប៉ង់ធ្វើអត្តឃាត ពីលើស្ពាន ដែលធ្វើឲ្យបណ្តាអ្នកលេងហ្វេសប៊ុកភ្ញាក់ផ្អើល ។ តែទោះជាយ៉ាងណា ក្នុងវីដេអូឃ្លិបនោះដែរក៏បង្ករឲ្យប្រិយមិត្តអ្នកលេងហ្វេសប៊ុក បញ្ចេញស្នាមញញឹម ផងដែរ ព្រោះសកម្មភាពនោះ វាគួរឲ្យចង់សើចណាស់ អស់ពី រត់ចូលឡាន លោតទឹកសម្លាប់ខ្លួន តែត្រូវប៉ូលិសចាប់ជាប់ និងបន្ទាប់មក ស្រាប់តែ រត់លោតទឹកម្តងទៀតពីលើស្ពាន ចង់ស្លាប់ តែអស់សំណើចចង់ស្លាប់តែបែរខ្លាចកាំភ្លើង ប៉ូលិសទៅវិញ ។ រឿងនេះដែរ ភាគច្រើន គេថានាងកំពុងខូចចិត្តនឹងរឿងស្នេហា ទើបចង់សម្លាប់ខ្លួន។
ទាក់ទិនរឿងនេះដែរ នៅរសៀលនេះ គេហទំព័រ ដំណឹង បាន ខលសាកសួរ ស្រីស្រស់ សម្បុរស្រអែម គង់ ចាន់រដ្ឋាតាមខ្សែទូរស័ព្ទ ដោយនាងបានបញ្ជាក់ថា “ចា៎ស់ បង ពិតណាស់ខ្ញុំពិតជាខូចចិត្តនឹងរឿងស្នេហាមែន ដោយចង់សម្លាប់ខ្លួន តែការស្លាប់នោះបែរជាបរាជ័យ ព្រោះថាប៉ូលិសដែលយាមកាមនៅស្ពាន នោះ ចាប់នាងជាប់មិនឲ្យលោត។ នាងបានបន្ថែមទៀតថា រឿងលោតពីលើស្ពានធ្វើអត្តឃាតនោះ វាជាឈុតក្នុងរឿង អស់ទាស់ហ្មង់! ទីតា តែប៉ុណ្ណោះ ” ។ នាងបានបញ្ជាក់ទៅកាន់អ្នកគាំទ្រថា “អរគុណដល់អ្នកគាំទ្រទាំងអស់ដែលតែងតែចង់ដឹងសុខទុក្ខ និងគាំទ្រកន្លងមក តែនាងគ្មានរឿងអ្វីនោះទេ សូមអ្នកគាំទ្រអស់កុំភ័យ ” ។
ជាមួយនឹងរឿងខាងលើ គង់ ចាន់រដ្ឋា បានរំពឹងយ៉ាងមុតមាំថា នឹងអាចទទួលបាន ការចាប់អារម្មណ៍ និងគាំទ្រពីប្រិយមិត្ត ខណៈរឿងនេះវាយលុកផ្ទាំងក្រណាត់ស ដែលគ្រោងនឹងបញ្ចប់ការថតនាពេលខាងមុខនោះ៕
ទស្សនាវីដេអូឃ្លិបដូចខាងក្រោមនេះ ៖
មតិយោបល់