ឆ្នាំ ២០១៥ អាចជាឆ្នាំដែលមានការបដិវត្តន៍ទៅលើប្រព័ន្ធដំណើរការទូរស័ព្ទ មិនដឹងថា Android, iOS និង Windows Phone ទៅជាយ៉ាងណានោះទេ។
ក្រុមហ៊ុន Google បានទិញប្រព័ន្ធដំណើរការ Android តាំងពីឆ្នាំ ២០០៥ ចំណែក iOS ត្រូវបានលេចមុខនៅឆ្នាំ ២០០៧ ហើយប្រព័ន្ធដំណើរការនេះ កំពុងតែប្រកួតប្រជែងគ្នា យ៉ាងស្វិតស្វាញ។
ក្រុមហ៊ុន Samsung បានក្លាយជាក្រុមហ៊ុនដែលផលិតស្មាតហ្វូនធំជាង និងលក់ស្មាតហ្វូនបានច្រើនជាងគេ ក៏ដោយសារតែ Android ផងដែរ ឃើញដូច្នេះហើយទើប មានមតិជាច្រើនពីជនអនាមិកបានឲ្យយោបល់ដល់ Samsung ថាគួរតែទិញ Android ពី Google។
ជនអនាមិកទាំងនោះបានលើកឡើងថា នៅពេលនេះ ក្រុមហ៊ុន Samsung មានបុគ្គលិកជាន់ខ្ពស់ជាច្រើនដែលមកពី Google ហើយសុទ្ធសឹងតែជាអ្នកនៅក្នុងក្រុម Android ទៀត ដូច្នេះ Samsung គ្មានអ្វីពិបាកក្នុងការគ្រប់គ្រង Android ឡើយ។
នៅក្នុងសៀវភៅរបស់លោក Andy Rubin ដែលជាសហស្ថាបនិក Android បានសរសេរថា បើសិនជា Samsung ចង់មានការរីកច្រើនខ្លាំងជាងនេះ Samsung គួរតែទិញ Android។ លោកបានបញ្ជាក់បន្ថែមទៀតថា Samsung មានអ្វីគ្រប់យ៉ាង៕
មតិយោបល់