ទីបំផុត​ក្តីរំពឹងឈ្នះ របស់លោក Arsene Wenger ដែលជាអ្នកចាត់ការទូទៅ របស់ ក្លិបកាំភ្លើងធំបានបាត់បង់ ក្រោមថ្វីជើងរបស់ក្លិបជើងខ្លាំង​របស់អាល្លឺម៉ង់ Bayern Munich ដោយលទ្ធផល ២-០ ក្នុងក្របខណ្ឌ Champions League កាលពីរាត្រីទៀបភ្លឺ​នេះ​។​
ជាក់ស្តែង លោក Arsene Wenger គួរ​តែនាំមុខ នៅនាទី ទី ៩ ​ខណៈដែលកីឡាករ Mesut Ozil ត្រូវបាន កីឡាករ Jerome Boateng របស់ Bayern Munich ធ្វើ​ឲ្យដួលនៅប្រអប់សំខាន់ តែ Mesut Ozil ស៊ុតប៉េណ័លទី​ មិនបានសម្រេចទៅវិញ​។​

នៅនាទី ៣៧ អ្នកចាំទី របស់កាំភ្លើងធំ កីឡាករ Szczesny ​ទទួលបានកាតក្រហម ខណៈដែល ធ្វើ​ឲ្យ Arjen Robben ដួលរមួលជើងឈឺផ្សារនៅប្រអប់សំខាន់ ហើយក៏ជាឱកាសរបស់ David Alaba ស៊ុត​ស្វែងរកគ្រាប់ជូន Bayern Munich តែកីឡារូបនេះ​ធ្វើមិនបានសម្រេច​ឡើយ​។​

ជាមួយនឹងគ្នា ១០ នាក់ទល់នឹង ១១ នាក់ បានធ្វើ​ឲ្យ Arsene Wenger មានអារម្មណ៍ក្តៅស្លឹកត្រចៀក ខណៈដែល​ក្លិបភ្ញៀវ បានបំប៉ោងសំណាញ់របស់ខ្លួន ដែលជាគ្រាប់បាល់ស្វែងរកដោយកីឡាករ Toni Kroos និង Thomas Muller នៅនាទី ៤៤ និង ៨៨ នោះ​។​
ចប់ការប្រកួតលោក Arsene Wenger បានប្រាប់ដល់ស្ថានីយ៍ទូរទស្សន៍ Skysport ឲ្យដឹងថា ​”យប់នេះ​អ្វីៗគ្រប់យ៉ាង​បានប្រឆាំងយើង និង​បំបាក់យើង ជាពិសេស​គឺការដកហូតកាត​របស់ អាជ្ញាកណ្តាលតែម្តង​”៕

ទស្សនាវីដេអូឃ្លិបដូចខាង​ក្រោមនេះ៖