មនុស្សចចកដែលធ្លាប់តែបានឮ នឹងមាននៅក្នុងខ្សែភាពយន្ត រឿងកំប្លែង ឥឡូវនេះបានបង្ហាញខ្លួននៅក្នុងវីដេអូឃ្លិបមួយ ដែលធ្វើឲ្យប្រជាជនរស់នៅក្នុង រដ្ឋ Bahia ប្រទេសប្រេស៊ីលមានការភ័យខ្លាចយ៉ាងខ្លាំង។ តាមរបាយការណ៍បានឲ្យដឹងថា វីដេអូឃ្លិបដែលមានរយៈពេល ៤៤ វិនាទី ត្រូវបានថតដោយកាមេរ៉ាសុវត្ថិភាព ហើយបានបង្ហោះនៅលើគេហទំព័រ Youtube ។ បុរសម្នាក់ដែលមានឈ្មោះថា Pingo បាននិយាយថា នេះគឺជាលើកដំបូងហើយដែលគាត់បានឃើញសត្វអាថ៌កំបាំងដោយផ្ទាល់ភ្នែក។ លើសពីនេះទៅទៀតសត្វចម្លែកនេះបានរត់មកវាយប្រហារមកលើរូបគាត់ ក៏ប៉ុន្តែសំណាងល្អគាត់បានគេចផុតពីកណ្តោប់ដៃរបស់វា។ បើយោងតាមការពិពណ៌នារបស់លោក Pingo បិសាចនោះមានរោមពណ៌ខ្មៅ កម្ពស់ប្រហែលជា ១,៥ ម៉ែត្រ។ មុនពេលការផ្តល់ព័ត៌មាន ក្នុងពេលដំណាលគ្នាពីប្រជាពលរដ្ឋ រដ្ឋាភិបាលបានដាក់បម្រាមគោចរ នៅម៉ោង ៩ យប់នៅទីក្រុងនេះ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់