អតីតកីឡាករ Zinedine Yazid Zidane ​​កើតនៅថ្ងៃទី ២៣ ខែ មិថុនា ឆ្នាំ ១៩៧២​ ​ដែលមាន​​រហស្សនាម​ហៅក្រៅថា Zizou ។ កីឡាករ Zidane បច្ចុប្បន្នកាល​ជា​ជំនួយការផ្ទាល់របស់ក្លិប ​Real Madrid ហើយបានចូលនិវត្តន៍ ពីពិភព

​បាល់ទាត់ ​ ដែល​​ជា​អ្នកលេង​ខ្សែបម្រើ សម្រាប់ក្រុម​ឈុតធំបារាំង ក្លិប Juventus និង ក្លិប Real Madrid ។ Zidane ត្រូវបាន​គេស្គាល់យ៉ាងច្បាស់ថា ជា​អ្នកលេង ដ៏​អស្ចារ្យ ​​ក្នុងប្រវត្តិសាស្ត្របាល់ទាត់ ដែល​​​ដាក់ងារ​ឲ្យដោយ UEFA ។​កាលពី Zidane នៅលេង​ គាត់បានជួយឲ្យ ក្លិប Real Madrid ឈ្នះពានរង្វាន់ La Liga ពានរង្វាន់ UEFA Champions League ហើយ ក៏ជួយឲ្យក្លិប Juventus ឈ្នះពាន ២ នោះគឺ Intercontinental Cup និង UEFA Super Cup ។

នៅលើឆាក​អន្តរជាតិ អតីតអ្នកលេង​ដ៏អស្ចារ្យរូបនេះ ​បាន​ជួយ​ឲ្យក្រុមជម្រើស​ជាតិបារាំង ឈ្នះពានរង្វាន់ 1998 FIFA World Cup និង Euro 2000 ។​លើសពីនេះទៅទៀត គាត់បាន​​ឈ្នះពានរង្វាន់ FIFA World Player ៣ ដង​ជាប់គ្នា

និងជា​កីឡាករ​ដែលលេង​ល្អបំផុតលើពិភពលោក ម្តង​ផងដែរ​។​ Zidane បានចូលនិវត្តន៍នៅឆ្នាំ ២០០៦ ខណៈដែល ចប់ការប្រកួត World Cup នោះ ។​

បើងាកមកនិយាយ​ពីជីវិត កាលពីក្មេងវ័យ ​កីឡាករ Zidane មិនដូចជា​កីឡាករផ្សេងៗ​ទៀតឡើយ ដោយគ្រួសារ​ជួប​ការលំបាកជាច្រើន។​ កីឡាករ Zidane ដើមឡើយគឺជាជន​ជាតិនៅតំបន់ Kabyle Berber ដោយឪពុកម្តាយរបស់គាត់ឈ្មោះ Smaïl និង Malika ​បានធ្វើ​អន្តោប្រវេសន៍ ទៅកាន់ទីក្រុងប៉ារីស ដោយចេញពីភូមិ Aguemoune នា​ភាគខាងជើង អាល់ហ្សេរី ​នៅឆ្នាំ ១៩៥៣ មុន​សង្គ្រាមប្រទេស​នេះ​បានកើតឡើង​។​គ្រួសារ​របស់ Zidane បានតាំងលំនៅ ​ក្នុងសង្កាត់ Barbès និង Saint-Denis ហើយស្វែងរកការងារ​ដ៏តូចមួយ ​នៅក្នុងតំបន់នេះ ។ នៅពាក់កណ្តាល ទសវត្ស ១៩៦០ គ្រួសារ​របស់ Zidane បាន​ផ្លាស់លំនៅទៅកាន់ភាគខាងជើង ទីក្រុង Marseille ។ ​នៅថ្ងៃទី ២៣ ខែ មិថុនា ឆ្នាំ ១៩៧២ អតីតកីឡាករ Zidane បានកើត​ ក្នុងគ្រួសារដែលមានបងប្អូន ៥ នាក់ ដោយ Zidane ជាកូនពៅ ។​ ឪពុករបស់គាត់​ឈ្មោះ Smaïl បាន​ធ្វើការ​ក្នុងឃ្លាំង​ទំនិញ​​ដ៏តូច​មួយ ហើយម្តា​យ​​ជា​ស្ត្រីមេផ្ទះ ។

បើទោះបីជា​តំបន់ខាងលើ ដែល គ្រួសារ​កីឡាករ Zidane រស់នៅមាន​ អត្រាអ្នកអត់ការងារធ្វើច្រើន និងសំបូរ ឧក្រិដ្ឋកម្ម តែគ្រួសារមួយនេះ រស់នៅដោយផាសុកភាព ​និង រីករាយ​ ផងដែរ​។​

នៅ Castellane កុមារា Zidane ត្រូវបានឪពុកបញ្ចូនឲ្យទៅរៀននៅសាលាបាល់ទាត់ និងបានចូលរួម​លេង​តំបូង នៅ​អាយុ ៥ ឆ្នាំ ដែលជាការប្រកួត កីឡាបាល់ទាត់ កុមារ​អ្នកជិតខាង ដែលធ្វើឡើងនៅ Tartane ។ ក្រោយៗមកទៀត ដោយការហ្វឹកហាត់ នឹងខិតខំ​ស្វែងយល់ពីកីឡា ​គាត់ក៏បាន​​ចូល​លេង​ឲ្យក្រុម​យុវជន​តំបូងបំផុតនៅឆ្នាំ ១៩៨២ លេង​ឲ្យក្លិបយុវជន US Saint-Henri និងក៏ប្រែក្លាយអាជីពល្បីល្បាញរហូតមកទល់នឹងពេលបច្ចុប្បន្ននេះ​៕​

ទស្សនាវីដេអូឃ្លិបដូចខាង​ក្រោមនេះ៖