តារាបាល់ទាត់ក្លិបកាំភ្លើងធំ កំពុងតែរងនូវពាក្យចចាមអារាមថា ដោយសារតែ បើកបុកជាមួយនឹង អ្នកថតរូប នោះរបួសស្រាល។
កាសែត ITV News បានចុះផ្សាយឲ្យដឹងថា តារាបាល់ទាត់ Mesut Ozil របស់ក្លិបកាំភ្លើងធំ នៅពេលថ្មីៗនេះ ត្រូវបានប៉ូលិសសាកសួរ បន្ទាប់ពីបើករថយន្ត បុកអ្នកថតរូប ដែលព្រឹត្តិការណ៍នេះបានកើតឡើងកាលពីថ្ងៃល្ងាចថ្ងៃសុក្រ សប្តាហ៍កន្លងទៅ នេះ ។
ប៉ូលិសក្នុងទីក្រុងឡុងដ៍ បានបញ្ជាក់ថា កាលពីល្ងាចថ្ងៃសុក្រថ្ងៃទី ២១ ខែ កុម្ភៈនេះ វេលាម៉ោង ៧ យប់ ដោយប៉ូលិសបានដោះស្រាយការប៉ះទង្គិច គ្នារវាងរថយន្ត និងអ្នកថតរូប នៅលើផ្លូវ Sheldon Avenue N6 ។ ជនរងគ្រោះក្នុងឧបទ្ទេវហេតុនេះ មានអាយុ៣០ ឆ្នាំ ដោយរបួស្រាល ។
មន្ត្រីប៉ូលិសខាងលើបានឲ្យដឹងថា ពួកគេនឹងបន្តធ្វើការស៊ើបអង្កេតលើ កីឡាករ Mesut Ozil លើបញ្ហានេះ ក៏ប៉ុន្តែនៅមិនទាន់មានដិកាចាប់ខ្លួនកីឡាករ រូបនេះនៅឡើយ ។ បន្ទាប់ពីគ្រោះថ្នាក់នេះកើតឡើង Mesut Ozil បានធ្វើដំណើរទៅសួរសុខទុកគ្រួសារ នៅ អាល្លឺម៉ង់ ចំនួន ២ ថ្ងៃ។
ថ្មីៗនេះដែរ ក្នុងការជួបជើងជាមួយនឹង ក្លិប Bayern Munich កីឡាករ Mesut Ozil ស៊ុតប៉េណ័លទី មិនបានសម្រេចជូនក្លិបកាំភ្លើងធំ ហើយក៏ជាដើមហេតុធ្វើឲ្យក្លិបមួយនេះ ចាញ់លើទឹកដីរបស់ខ្លួនផងដែរ។ ទន្ទឹមជាមួយនឹងគ្នានេះ គាត់ទទួលបានការរិះគន់មិនតិចនោះទេ ពី អ្នគាំទ្រ ។ជាក់ស្តែង កាលពីប្រកួតជាមួយនឹង Sunderland កាលពីចុងសប្តាហ៍កន្លងទៅ លោក Wenger បានសម្រេចចិត្តមិនដាក់ឲ្យ កីឡាករ Mesut Ozil លេងឡើយ តែ កាំភ្លើងធំ បានឈ្នះក្នុងលទ្ធផល ៤-១ ៕
វីដេអូឃ្លិប Mesut Ozil ប៉េណ័លទីមិនចូល ៖
មតិយោបល់